07.10.2026 | 23:48
Արթուր Դանիելյանը կալանավորվեց
Չինաստանում ջրհեղեղի զոհերի թիվը հասել է 58-ի
24.07.2021 | 18:57
Չինաստանի Հենան նահանգում հորդառատ անձրևների և ջրհեղեղների հետևանքով զոհվածների թիվը հասել է 58-ի, 5 մարդ համարվում է անհետ կորած, իշխանությունները վտանգավոր շրջաններից տարհանել են ավելի քան 800 հազար մարդու, փոխանցում է «ՌԻԱ Նովոստի»-ն
Տեղատարափ անձրևների պատճառով աղետի գոտում է հայտնվել 9,3 միլիոն մարդ։
Ավելի քան 440 հազար մարդ հրատապ օգնության կարիք ունի։
Հեղեղումների դեմ պայքարի, որոնողափրկարարական գործողությունների և տարերային աղետի հետևանքների վերացման աշխատանքներին մասնակցում է գրեթե 200 հազար մարդ, ներառյալ հրշեջները և փրկարարները:
Նահանգի շատ բնակավայրերում, հատկապես Չժենչժոու քաղաքում, վերականգնվել է էլեկտրամատակարարումը և ջրամատակարարումը, մի շարք շրջաններում դեռևս չի հաջողվում վերականգնել կապը:
Չինաստանի կենտրոնական մասում հորդառատ անձրևները հուլիսի 17-ին հարվածել են Հենան նահանգին։ Ամենաշատը տուժել է Չժենչժոու քաղաքը։ Քաղաքի որոշ օդերևութաբանական կայաններում գրանցվել է միջին օրական տեղումների պատմական ռեկորդ:
