17.12.2025 | 18:09
Պապոյանն ու Շվեյցարիայի դեսպանը քննարկել են տնտեսության ոլորտում երկկողմ համագործակցության ընդլայնման հնարավորությունները
Արարատ Միրզոյանն ԱԽ քարտուղար կնշանակվի
Քաղաքականություն
22.07.2021 | 22:25
Ազգային ժողովի նախագահ Արարատ Միրզոյանն, ում լիազորություններն օգոստոսի 2-ին՝ նորընտիր խորհրդարանի առաջին նիստի օրը, կավարտվեն, նոր պաշտոն կստանձնի։
Factor TV-ն տեղեկացավ, որ առաջիկա օրերին Միրզոյանն Անվտանգության խորհրդի քարտուղար կնշանակվի։ Նա ընդունել է այս պաշտոնի առաջարկը։ Նշանակումը կլինի օգոստոսի 2-ից ոչ շուտ, քանի որ մինչ այդ նա շարունակում է մնալ ԱԺ խոսնակի կարգավիճակում։
Մեր տեղեկություններով՝ Միրզոյանին նաև այլ պաշտոններ են առաջարկվել, մասնավորապես՝ Արտաքին գործերի նախարարի, սակայն նա հրաժարվել է։ Հիշեցնենք նաև, որ Արարատ Միրզոյանը հուլիսի 20-ին հրաժարվել էր պատգամավորական մանդատից։
Մերի Մարտիրոսյան
