30.10.2026 | 13:42
Երկու մարզադաշտ, մեկ ընկերություն՝ առանց բաց մրցույթի․ ինչպես է Կառավարությունը կազմակերպել միլիոնավոր եվրոների գնումները
ՄԻՊ-ը` Տեղ գյուղի միջադեպի, Մենենդեսը` Բաքվին ուղերձ հղելու մասին. Լուրեր
Քաղաքականություն
21.07.2021 | 12:31
ՄԻՊ Արման Թաթոյանն ահազանգել է, որ Տեղ գյուղի կոմբայնավարին ադրբեջանցիները ստիպողաբար են անցկացրել իրենց վերահսկած տարածք։ Հայտարարության համաձայն՝ կոմբայնավարին քաշքշել են, իրեն ու կոմբայնը ստիպողաբար տեղափոխել։ Դեպքի մասին հայտնի էր դարձել ավելի վաղ։ Հայկական կողմը, ռուսական միջնորդությամբ, վերադարձրել էր կոմբայնավարին և կոմբայնը։
—
ԱԳ նախարարի պարտականությունները կատարող Արմեն Գրիգորյանը երեկ ընդունել է Հայաստանում հավատարմագրված դեսպաններին և ներկայացրել Երասխի ուղղությամբ լարվածության մանրամասները։ Գրիգորյանն ընդգծել է, որ Հայաստանն ակնկալում է միջազգային գործընկերների հստակ արձագանքը Ադրբեջանի կողմից միջազգային իրավունքի նմանօրինակ ոտնահարումներին։
—
ԱՄՆ Սենատի արտաքին հարաբերությունների հանձնաժողովի նախագահ Բոբ Մենենդեսը հայտարարել է, որ Ադրբեջանն այժմ սահմանային վեճի հետևանքով ներխուժել է Հայաստանի տարածք, և իր կարծիքով՝ ադրբեջանցիները կշարունակեն իրենց ագրեսիվ վարքագիծը, քանի դեռ հստակ ուղերձ չեն ստացել այն մասին, որ դա անընդունելի է։
—
