14.09.2026 | 21:13
Oգոստոսի կլիմայական պայմանները Հայաստանում
Վրաստանի եվրոպական ուղին այլընտրանք չունի․ Զուրաբիշվիլի
Քաղաքականություն
19.07.2021 | 21:56
Վրաստանի եվրոպական ուղին այլընտրանք չունի, քանի որ կա կոնսենսուս, երկրում քաղաքական ուժերի միջև չկա բևեռացում կամ բանավեճ: Այս մասին Բաթումիի միջազգային համաժողովում ունեցած ելույթում ասել է Վրաստանի նախագահ Սալոմե Զուրաբիշվիլին:
«Եվրոպական ուղու ընտրությունը մեր և մեր ընկերների համար այլընտրանք չունի: Բաթումիի համաժողովն ազդանշան է այն բանի, որ մենք միայնակ չենք այս ջանքերում, մեզ աջակցում և ուժեղացնում են։ Այս ամենը նշանակում է, որ մենք պետք է անենք է՛լ ավելին և է՛լ ավելի արագ»,- հայտարարել է Վրաստանի նախագահը, գրում է «Գրուզիա օնլայնը»:
«Եվրոպական խորհրդի նախագահի մասնակցությամբ այս ձևաչափը կդառնա ևս մեկ քայլ առաջ եվրոպական ինտեգրման մեր ընդհանուր ճանապարհին։ Այսօրն օրինակ է, թե որքան լուրջ են մեր ընդհանուր պարտավորությունները: Սա օրինակ է և հաստատում, որ եվրոպական անցյալը և եվրոպական ապագան անխուսափելի են»,- ասել է Զուրաբիշվիլին:
Իր հերթին Վրաստանի վարչապետ Իրակլի Ղարիբաշվիլին հայտարարել է, որ իր երկրի իշխանությունները մտադիր են նպաստել Հարավային Կովկասը «հակամարտության գոտուց» «հնարավորությունների գոտու» վերածելուն։ Ղարիբաշվիլին նաև հավելել է, որ չնայած մարտահրավերներին՝ Վրաստանը հստակ կատարում է իր ստանձնած պարտականությունները եվրոպական ու եվրոատլանտյան համակարգերի հետ ինտեգրման համատեքստում։
Տաթև Ֆռանգյան
