30.10.2026 | 09:35
Հայաստանի գավաթում հայտնի են քառորդ եզրափակիչի բոլոր մասնակիցները
Արտահերթ խորհրդարանական ընտրությունների արդյունքները կմնան ուժի մեջ. ՍԴ-ն հրապարակեց որոշումը
Հասարակություն
17.07.2021 | 21:08
Սահմանադրական դատարանը հունիսի 20-ի արտահերթ խորհրդարանական ընտրությունների արդյունքները որոշեց թողնել ուժի մեջ: Բարձր դատարանը՝ Արման Դիլանյանի նախագահությամբ քիչ առաջ հրապարակեց որոշման եզրափակիչ մասը: Նշենք, որ Բարձր դատարանը պետք է որոշեր կա՛մ ընտրության արդյունքները թողնել անփոփոխ, կա՛մ անվավեր ճանաչել դրանք, կա՛մ անվավեր ճանաչել և սահմանել մանդատների ճանաչման նոր կարգ, կա՛մ անվավեր ճանաչել և նշանակել ընտրությունների երկրորդ փուլ։
Հիշեցնենք, որ «Հայաստան» և «Պատիվ ունեմ» դաշինքները, «Զարթոնք» ազգային քրիստոնեական և «Հայոց հայրենիք» կուսակցություններն ԱԺ արտահերթ ընտրությունների արդյունքները վիճարկել են հուլիսի 2-ին ՍԴ ներկայացված դիմումներով։
Այսպիսով՝ 8-րդ գումարման խորհրդարանը կունենա հետևյալ պատկերը․ «Քաղաքացիական պայմանագիրը» կունենա 71, «Հայաստան» դաշինքը՝ 29, «Պատիվ ունեմ» դաշինքը` 7 մանդատ:
