27.08.2026 | 10:38
Արտարժույթների փոխարժեքները՝ օգոստոսի 27-ի դրությամբ
Զոհվածների մասունքների պահման պայմանների առնչությամբ քրեական գործի նախաքննությունը շարունակվում է, այս պահին կասկածյալներ չկան․ Վարդան Թադևոսյան
Հասարակություն
16.07.2021 | 20:25
Շուրջ մեկուկես ամիս է անցել, ինչ անհետ կորած զինծառայողների հարազատները տեսանյութ էին հրապարակել, թե ինչպես են զոհված և դեռ հարազատներին չհանձնված զինծառայողների մասունքները սպիտակ պարկերի մեջ դրված Աբովյանի դիահերձարանում գետնին՝ առանց սառեցման համակարգի տարածքում։
Factor.am-ը փորձեց մանրամասներ իմանալ, թե ի՞նչ փուլում է գտնվում գործը քննություն և ի՞նչ նոր մանրամասներ են հայտնի։ ՀՀ Քննչական կոմիտեի մամուլի խոսնակ Վարդան Թադևոսյանը հայտնեց, որ այս պահին մեղադրանքներ չկան, կասկածյալներ ևս․ «Ներկա պահին հարցաքննությունների փուլ է ընթանում ծնողների հետ, այլ մանրամասներ չկան»,- ասաց նա։
Հիշեցնենք, որ դեպքից հետո Առողջապահության նախարարի պաշտոնակատար Անահիտ Ավանեսյանը ներողություն էր խնդրել դիերի պահման ոչ պատշաճ պայմանների համար, իսկ վարչապետի պաշտոնակատար Նիկոլ Փաշինյանի հանձնարարությամբ նշանակվել էր ծառայողական քննություն՝ պարզելու, թե ո՞ր պատասխանատու պաշտոնյայի գործողությունների կամ անգործության հետևանքով է առաջացել նման խնդիր։ Տեսանյութի հրապարակումից հետո «Դատաբժշկական գիտագործնական կենտրոն» ՊՈԱԿ-ի Աբովյանի մասնաճյուղի վարիչը և այս գործընթացում ընդգրկված 2 աշխատակից ազատվել էին աշխատանքից: ՊՈԱԿ-ի տնօրենն էլ ստացել էր խիստ նկատողություն:
Մերի Մանուկյան
