24.08.2026 | 15:44
Պապիկյանը եղել է այդ զորամասում դեպքից երկու օր առաջ. որպես ի՞նչ. Գեղամ Մանուկյան. ՏԵՍԱՆՅՈՒԹ
Այսօր պատգամավորի լիազորությունները ստանձնած Արա Մելիքջանյանը լքեց «Իմ քայլը» խմբակցությունը
Քաղաքականություն
15.07.2021 | 20:59
«Իմ քայլը» խմբակցությունից Արա Մելիքջանյանը, որն Ազգային ժողովի այսօրվա նիստում է ստանձնել պատգամավորի լիազորությունները, խմբակցությունից դուրս գալու դիմում է ներկայացրել Լիլիթ Մակունցին։ «Իմ քայլը» խմբակցության ղեկավարին ուղղված դիմումի լուսանկարը Մելիքջանյանը հրապարակել է իր ֆեյսբուքյան էջում։
Նշենք, որ «Իմ քայլը» կուսակցությունների դաշինքով ԱԺ պատգամավոր ընտրված և լիազորությունները վաղաժամկետ դադարեցրած Լուսինե Եգանյանի մանդատը ԿԸՀ-ն տրամադրել է ընտրացուցակի հաջորդ թեկնածուին՝ Արա Մելիքջանյանին:
Մելիքջանյանն էլ այսօր Ազգային ժողովի արտահերթ նիստում ստանձնելով պատգամավորի լիազորությունները՝ ԱԺ ամբիոնից երդվեց հանուն համազգային նպատակների իրականացման և հայրենիքի հզորացման՝ բարեխղճորեն կատարել ժողովրդի առջև ունեցած պարտավորությունները պահպանել ՀՀ Սահմանադրությունը և օրենքները, նպաստել ՀՀ ինքնիշխանության և շահերի պահպանմանը, անել ամեն ինչ քաղաքացիական համերաշխության, ազգային ու համազգային արժեքների պահպանման համար:
