14.12.2024 | 19:57
Ինչ իրավիճակ է ճանապարհներին 19։35-ի դրությամբ
Ինչո՞ւ են պատգամավորների ծախսերն ավելացվում. Սոֆյա Հովսեփյանի հարցը՝ Վիկտոր Ենգիբարյանին․ ՏԵՍԱՆՅՈՒԹ
Քաղաքականություն
15.07.2021 | 12:24
Խորհրդարանի արտահերթ նիստում քննարկվում է իմքայլական պատգամավորներ Վիկտոր Ենգիբարյանի և Նիկոլայ Բաղդասարյանի ներկայացրած «Պետական պաշտոններ և պետական ծառայության պաշտոններ զբաղեցնող անձանց վարձատրության մասին» օրենքում փոփոխություն կատարելու մասին օրենքի նախագիծը, որով առաջարկվում է պատգամավորական գործունեության հետ կապված ծախսերին հատկացվող ամսական 50 հազար դրամը դարձնել 250 հազար դրամ:
Անկախ պատգամավոր Սոֆյա Հովսեփյանը հետաքրքրվեց, թե արդյոք 7-րդ գումարման ԱԺ-ի ընթացքում բոլոր պատգամավորները մեկնեցին մարզեր: Նա նաև հետաքրքրվեց, թե աշխատանքային այցերի ընթացքում արդյո՞ք այդ 50 հազար դրամից են օգտվում, այլ ոչ հավելյալ գործուղման ծախսերից։
«Ինչո՞ւ եք 200 հազար դրամ ավելացնում: Մարզի պատգամավորներն ունենում են խնդիրներ, որովհետև անընդհատ մարզեր են մեկնում, Երևանի պատգամավորները կամ ցուցակով անցած պատգամավորներն, ինչպես տեսնանք, մարզեր առհասարակ չայցելեցին կամ գործողումների միջոցով կրկին այցելեցին»,- դիմելով Ենգիբարյանին՝ հարցրեց Ս.Հովսեփյանը- Ինչո՞ւ ենք 200 հազար դրամն ավելացնում մի բանի համար, երբ առանց էլ այն էլ այդ ծախսերը հոգում են»:
«Արտասահման գործուղվելիս, երբ գործ ունենք բավական մեծ ծախսերի հետ, ԱԺ-ն ծածկում է այդ ծախսերը, բայց հանրապետության ներսում պատգամավորների նյութատեխնիկական սպասարկումը բարելավելու կարիք ունի»,- արձագանքեց Վիկտոր Ենգիբարյանը։
Մանրամասները՝ տեսանյութում:
