ԵՄ-ն կլիմայի փոփոխության վերաբերյալ ծրագիր է ներկայացրել

Եվրամիությունը հայտարարել է կլիմայի փոփոխության վերաբերյալ օրենսդրության մասին, որն ուղղված է մինչև 2050 թվականն ածխածնից չեզոք դառնալու նպատակի իրականացմանը։

Մի քանի տասնյակ նախագծեր են առաջարկվել, որոնք դեռ պետք է հաստատվեն դաշինքի 27 անդամ երկրների և ԵՄ խորհրդարանի կողմից: Դրանք ներառում են ինքնաթիռների վառելիքի հարկման և 20 տարվա ընթացքում բենզինով և դիզելային վառելիքով աշխատող մեքենաների վաճառքի փաստացի արգելք նախատեսող ծրագրեր, գրում է BBC-ն:

Սակայն, ինչպես երևում է, այս առաջարկների շուրջ դեռ ամիսների բանակցություններ են սպասվում։

«Մենք մեր քաղաքացիներից շատ բան ունենք հարցնելու։ Մենք շատ բան պետք է հարցնենք նաև մեր արտադրողներից, սակայն մենք դա լավի համար ենք անում։ Մենք դա անում ենք մարդկությանը պայքարելու հնարավորություն ընձեռելու համար»,- հայտարարել է ԵՄ կլիմայի վերաբերյալ քաղաքականության ղեկավար Ֆրանս Թիմերմանսը։

Այս նախագծի վերջին փոփոխությունները լուրջ հակասություններ են առաջացրել Եվրահանձնաժողովում ՝ դաշինքի վարչական թևում, հայտնում են AFP լրատվական գործակալության աղբյուրները:

Ակնկալվում է, որ այս նախագծին կընդդիմաման որոշ ինքնաթիռ ու ավտոմեքենա արտադրողներ, ինչպես նաև՝ արևելյան անդամ պետությունները, որոնք մեծապես կախված են ածխից։ ԵՄ դիվանագետներից մեկը Reuters- ին հայտնել է, որ փաթեթի հաջողությունը կախված կլինի ծրագրի իրատեսական և սոցիալապես արդար լինելուց և եթե այն չապակայունացնի տնտեսությունը։

Տաթև Ֆռանգյան