19.05.2026 | 23:56
Հայաստանի մի շարք հասցեներում էլեկտրաէներգիայի անջատումներ կլինեն
ՍԴ-ն ի զորու է կանխելու հնարավոր նոր աղետները, նոր զիջումները. Արամ Վարդևանյան. ՏԵՍԱՆՅՈՒԹ
Հասարակություն
14.07.2021 | 11:56
«Բարձր դատարան, վերջին երեք տարիների ընթացքում տեսել ենք այն իրավական և իրական հետևանքները, երբ մեկ ուժ ԱԺ-ում ունենում է ⅗-ից ավելին կամ առնվազն ⅗-ը, դրա հետևանքները բոլորս գիտենք: Այսպիսի հետևանքներ ՀՀ-ի պատմության մեջ այլևս երբեք չեն լինելու, և կարող եմ, ասել որ այդ իմ պնդման երաշխավորներից մեկը պետք է և կարող է լինել բացառապես ՍԴ-ն:
Միապետությունը, միակուսակցական կառավարումը չի թակում Հայաստանի պետականության դռները, այլ այն իրականություն է»,- Սահմանադրական դատարանում հունիսի 20-ին կայացած արտահերթ խորհրդարանական ընտրությունների արդյունքներն անվավեր ճանաչելու միավորված գործով դատաքննության ժամանակ եզրափակիչ ելույթում ասաց «Հայաստան» դաշինքի ներկայացուցիչ Արամ Վարդևանյանը:
Արամ Վարդևանյանի համոզմամբ՝ վերջին երեք տարիները մեկ քաղաքական ուժի, կամքի, պարտադրանքի, թելադրանքի, ռեսուրսի և որոշումների կայացման տարիներ են եղել, և այս իրավիճակը բացառապես ՍԴ-ն կարող է փոխել՝ ապահովելով Սահմանադրության գերակայություն:
«ՀՀ-ն ծայրահեղ վտանգավոր մարտահրավերների առաջ է կանգնած: ՍԴ-ն ի զորու է թե՛ Սահմանադրությամբ և թե՛ իր վճռականությմբ ու կամքով կանխելու հնարավոր նոր աղետները, հնարավոր նոր զիջումները, նոր, անհասկանալի փաստաթղթերը և նոր անհասկանալի գործողությունները: Իսկապես այս գործը ընտրությունների արդյունքների վերաբերյալ վեճ չէ»,- նշեց Վարդևանյանը:
Մանրամասները՝ տեսանյութում:
