19.11.2024 | 10:14
Արտարժույթների փոխարժեքները՝ նոյեմբերի 19-ի դրությամբ
Միջազգային հանրությունը խիստ բացասական կարձագանքի, եթե ԲՏԱ նախարարության նախագիծն ընդունվի․ Աշոտ Մելիքյան. ՏԵՍԱՆՅՈՒԹ
Քաղաքականություն
13.07.2021 | 15:26
ՀՀ բարձր տեխնոլոգիական արդյունաբերության նախարարությունը «Ի դրաֆթ» համակարգում օրեր առաջ որոշման նախագծեր է շրջանառել, որոնք ոչ միանշանակ են ընդունվել հանրության կողմից: Նախագծերից մեկով առաջարկվում է e-gov.am հարթակում այսուհետ չհրապարակել պետական աշխատակիցների գործուղումների նպատակի, քննարկված թեմաների, հանդիպումների, ելույթների, հանդիպման ժամանակ ընդունված որոշումների մասին տեղեկությունները։ Մյուս նախագծով էլ առաջարկվում է e-gov.am կայքից հեռացնել մեկ անձից իրականացված գնումների մասին տեղեկատվությունը:
Նախագծերի հիմնավորումը հետևյալն է՝ հաշվետվություններում ներկայացվող տեղեկատվությունը կարող է առաջացնել ռիսկեր ՀՀ պետական շահերի սպասարկման տեսանկյունից:
«Ազգային անվտանգության շահերից ելնելով՝ փակել տեղեկատվությունը. հիմնավորվա՞ծ է ԲՏԱ նախարարության նախագծի անհրաժեշտությունը» թեմայով քննարկման ժամանակ Խոսքի ազատության պաշտպանության կոմիտեի նախագահ Աշոտ Մելիքյանը նշեց. «Եթե խոսում ենք ազգային անվտանգության մասին, ապա կոռուպցիան որպես անվտանգության սպառնալիք, պետք է ավելի ցածր մակարդակի իջեցվի, բայց դեռևս դաշտ կա կոռուպցիոն ռիսկերի համար, և նմանատիպ օրինագծերը լրացուցիչ ռիսկեր են ստեղծում: Այս տեսանկյունից լուրջ փորձաքննության կարիք ունի այս գաղափարը:
Աշոտ Մելիքյանը նաև ընդգծեց, որ միջազգային հանրությունը խիստ բացասական կարձագանքի, եթե ԲՏԱ նախարարության նախագիծն ընդունվի:
Մանրամասները՝ տեսանյութում:
