07.10.2026 | 15:10
ՀՀ-ում հրթիռների արտադրության հարցի քննարկում Դելիի հետ՝ ըստ ԶԼՄ-ի // Երևանում փակ փողոցներ կլինեն․ ԼՈՒՐԵՐ
Հնի տհաճ ժառանգությունն է․ պետության կողմից եկամուտների հայտարարագրման կասկածի, վախի մթնոլորտ կա․ Եղիազարյան․ ՏԵՍԱՆՅՈՒԹ
Քաղաքականություն
13.07.2021 | 13:28
Կառավարությունը հավանության է արժանացրել «Պետական տուրքի մասին» օրենքում փոփոխություն և լրացում կատարելու մասին» նախագիծը, որով նախատեսվում է 15%-ի չափով պետական տուրք սահմանել պղնձի խտանյութի, մոլիբդենի, ֆեռոմոլիբդենի արտահանման համար: Օրենսդրական փոփոխությունը կառավարությունը համարել է հրատապ, ԱԺ-ն այն քննարկելու է արտահերթ ընթացակարգով։ Այն նպատակ ունի պղնձի համաշխարհային գների շեշտակի աճի ֆոնին էականորեն մեծացնել վերոնշյալ ապրանքատեսակների արտահանումից ստացվող պետբյուջեի հարկային մուտքերը, քանի որ ըստ կառավարության, տևական գնաճի պայմաններում ոլորտում ձևավորվում է գերշահույթ։
«Կառավարությունը կհարկի պղնձի խտանյութի, մոլիբդենի, ֆեռոմոլիբդենի արտահանումը » թեմայով առցանց քննարկման ժամանակ «Հայաստանի հանքագործների և մետալուրգների միության» անդամ Մանվել Եղիազարյանն ընդգծեց. «Հնի տհաճ ժառանգությունն է. պետության կողմից եկամուտների հայտարարագրման կասկածի, վախի մթնոլորտ կա: Եթե բաց, թափանցիկ հայտարարագրում ենք մեր եկամուտները, եկեք հարկենք 30 տոկոս, 50 տոկոս, բայց ռեալ շահույթից: Ոչ ոք չունի երաշխիք, թե ինչպիսին են լինելու միջազգային գները: Լրացուցիչ բեռ ենք դնում ոլորտի վրա»:
Մանրամասները՝ տեսանյութում:
