09.06.2026 | 12:02
Սպասվում են հորդառատ անձրևներ
Վահե Գրիգորյանի` նիստին չմասնակցելու միջնորդությունն այս փուլում չի կարող քննարկվել. Հրայր Թովմասյան. ՏԵՍԱՆՅՈՒԹ
Քաղաքականություն
09.07.2021 | 11:39
ՍԴ դատավոր Վահե Գրիգորյանը կմասնակցի ընտրությունների արդյունքները վիճարկող 4 քաղաքական ուժերի ՍԴ ներկայացրած դիմումի քննությանը։
ՍԴ դատավոր Հրայր Թովմասյանն ընդգծեց, որ Վահե Գրիգորյանի` նիստին չմասնակցելու միջնորդությունն այս փուլում չի կարող քննարկվել: «Սահմանադրական դատարանի մասին օրենքի համաձայն՝ այսպիսի հարցը քննվում է գործը վարույթ ընդունելու որոշման շրջանակներում, այդ փուլը մենք անցել ենք: Այս փուլում այս հարցը դատարանի կողմից չի կարող քննության առարկա դառնալ»,- նշեց Թովմասյանը:
Նշենք, որ «Զարթոնքի» ղեկավար Արա Զոհրաբյանն էր միջնորդություն ներկայացրել, որպեսզի դատավոր Վահե Գրիգորյանը չմասնակցի նիստին։ Ըստ Զոհրաբյանի` Գրիգորյանը եղել է վարչապետի պաշտոնակատար Նիկոլ Փաշինյանի ներկայացուցիչը ոչ միայն ՀՀ–ում, այլ նաև ՄԻԵԴ-ում, ուստի նա կանխակալ մոտեցում ունի։ Ի դեպ, «Հայաստան» դաշինքն ավելի վաղ ներկայացրել էր նման հարց, սակայն ՍԴ մերժել էր դիմումը։
Մանրամասները՝ տեսանյութում:
