29.04.2026 | 00:57
Չեմպիոնների լիգա․ ՊՍԺ-ն գերգոլառատ խաղում հաղթեց «Բավարիային». ՏԵՍԱՆՅՈՒԹ
«Մեր հարաբերությունները մի փչացրու». հրապարակվեց Վիտալի Բալասանյանի և Սեֆիլյանի 2015 թվականի զրույցից հատված (ՏԵՍԱՆՅՈՒԹ)
Հասարակություն
02.03.2018 | 13:24
Փաստաբան Արայիկ Պապիկյանը շարունակում է իր պաշտպանական ճառը, նա նշեց՝ կազմվել է Սեֆիլյանի հետ շփում ունեցող անձանց ցանկ. ընտանիքի անդամներ, «Սասնա ծռեր», «Հիմնադիր խորհրդարանի» աջակիցներ, լրագրողներ և այլն:
«Մեկ անձի հետապնդելու համար բազմաթիվ մարդիկ հսկողության տակ էին», – նշեց փաստաբանը` պնդելով, որ իշխանությունների համար Սեֆիլյանը վտանգ էր:
Փաստաբանը նաև հավելեց. «Իշխանությունները գերի էին մնացել Սեֆիլյանի դեմ հարուցված քրգործին: Նրանք այդքան համարձակություն չունեին, որ գործը կարճեին, քանի որ փաստեր չունեն»:
Փաստաբանը դատարանում հրապարակեց նաև Շուշիի առանձակի գումարտակի հրանատար Ժիրայր Սեֆիլյանի և Արցախի հերոս Վիտալի Բալասանյանի 2015 թվականի զրույցը:
Հիշեցնենք, որ 2015 թվականի հունվարի 31-ին Սեֆիլյանն ու իր աջակիցները ավտոերթ էին կազմակերպել դեպի Արցախ, Բերձորի մոտ, սակայն անհայտ անձիք հարձակվել էին մեքենաների վրա, ջարդել ապակիներն ու ծեծի ենթարկել Սեֆիլյանի աջակիցներին:
Հրապարակված զրույցում Վիտալի Բալասանյանը Ժիրայր Սեֆիլյանին կոչ է անում չփչացնել իրենց հարաբերությունները և չգնալ Արցախ. «Դու ինձ լսի, մի արա էդ բանը: Հակառակ դեպքում ես ստիպված կլինեմ գալ: Մի փչացրու մեր հարաբերությունները»:
Հրապարակված ձայնագրության սղագրության մեջ նշված էր, որ Ժիրայր Սեֆիլյանը պետասխանել է, թե իրենք վատ բան անելու որևէ միտում չունեն:
