16.09.2026 | 23:17
Գեղարքունիքի մարզի մի շարք հասցեներում 24 ժամ ջուր չի լինի
Էլսա փոթորիկը մոտենում է Ֆլորիդային
Քաղաքականություն
05.07.2021 | 21:47
ԱՄՆ-ի Ֆլորիդա նահանգի Մայամի քաղաքում մի քանի օր առաջ կիսով չափ փլուզված շենքը հիմնովին փլուզել են: Անվտանգության շուրջ առկա մտահոգությունների արդյունքում շենքի այդ հատվածը քանդել են պայթյունի միջոցով: Պաշտոնատար անձինք ունեցել են մտավախություն, որ կիսավեր շենքը կարող էր փլուզվել այստեղ մոտեցող արեւադարաձային փոթորկի քամիներից: Այս մասին գրում է Ամերիկայի Ձայնը։
Champlain Towers South անվանումը կրող համալիրը լիովին փլուզելու հրահանգ տրվեց, երբ դեռեւս չհայտնաբերված 121 անձանց հարազատները գրեթե անհույս սպասում էին դրական լուրերի: Մինչ այդ փրկարարական աշխատանքները դադարեցվել էին, քանի որ կար մտավախություն, որ որոնողական աշխատանքներ իրականացնող անձինք կարող են դառնալ նոր փլուզումների զոհ:
Փլատակներ վերադառնալ չի թույլատրվել նույնիսկ անձնագրերը, ամուսնական մատանիները կամ կարեւոր լուսանկարներ վերցնելու նպատակ ունեցող անձանց:
Ինչպես քաղաքապետն է ասել, մոտեցող Էլսա փոթորիկը չնայած մեծ ուժգնությամբ չի հարվածի այս քաղաքին, սակայն ուժգին քամիներ ու հորդառատ անձրեւներ այստեղ կսկսվեն:
Մինչ այժմ հայտնաբերվել է 24 դի:
Էլսա փոթորիկը երեքշաբթի օրը հասնելու է Ֆլորիդա Քի անվանումը կրող արշիպելագի մոտով, հասնելու է արեւմտյան ափին: Ինչպես օդերեւութաբաններն են ասում, նման փոթորիկները շատ հաճախ են փոխում իրենց ուղին եւ այս դեպքում եւս այն կարող է ընթանալ այլ ուղով:
Էլսան իր հետ Ֆլորիդա է բերելու մինչեւ 15 սանտիմետր տեղումներ, ինչը կարող է դառնալ ջրհեղեղների պատճառ:
