31.10.2026 | 22:55
Հայտնաբերվել է զինծառայողի դի. ՊՆ
«Սերժ Սարգսյանի հագով կոստյում», հրատապ լուծում պահանջող խնդիրներ․ հունիսի 5-ը Սահմանադրության օրն է․ ՏԵՍԱՆՅՈՒԹ
Քաղաքականություն
05.07.2021 | 21:32
26 տարվա ընթացքում երկու անգամ խոշոր փոփոխության ենթարկված, մեկ անգամ էլ՝ առանձին նախագծերի մասով փոփոխված, բազմիցս քննարկված ու քննադատված փաստաթուղթ․ այսօր Հայաստանում նշվում է Սահմանադրության օրը։
Մայր օրենքն ընդունվել է 1995 թվականի հուլիսի 5-ին։ Դրանից հետո Սահմանադրական դատարանում քննվել են բազմաթիվ օրենքների՝ Սահմանադրությանը համապատասխան լինելու վերաբերյալ հարցերը։ Հիմա էլ ՍԴ անդամների սեղանին 4 ուժի կողմից ներկայացված արտահերթ խորհրդարանական ընտրությունները վիճարկող դիմումներն են։ Մինչ այս Բարձր դատարանը երբևէ չի կայացրել որևէ ընտրությունների արդյունքների չեղարկման վերաբերյալ որոշում։ Եվ այսօր էլ փորձագետներն ու քաղաքացիական հասարակության ներկայացուցիչներից շատերը վերապահումներ ունեն ոչ միայն Սահմանադրական դատարանի աշխատանքի, այլև հենց Սահմանադրության արդյունավետության հարցում։
Մասնագետների մի ստվար հատված Սահմանադրության լրջագույն փոփոխության կարիք է տեսնում։ Ժամանակին նույն տեսակետն ուներ ընդդիմադիր պատգամավոր, ներկայիս վարչապետի պաշտոնակատար Նիկոլ Փաշինյանը։ 3 տարի առաջ՝ 2018-ի փետրվարին, նա հայտարարում էր․ «Հիմա, Սահմանադրության մասին որ խոսում ենք, սա ընդամենը Սերժ Սարգսյանի հագով կարված կոստյում է։ Ամեն օր՝ իրիկունը, տանում, ասում են՝ շեֆ, հլը հագի, տեսնենք՝ ո՞նց է, ասում է՝ վարատնիկի ծերը ոնց որ սուր ա, կարը կլոր տարեք ու գալիս ա»։
Չնայած սուր քննադատությանը՝ Փաշինյանի իշխանությունը նախորդ 3 տարիների ընթացքում այդպես էլ սահմանադրական լայնածավալ փոփոխություններ չիրականացրեց, այլ խոսքով ասած՝ չազատվեց Սերժ Սարգսյանի հագով կարված կոստյումից, թեև համապատասխան հանձնաժողով էր ստեղծվել։ Իսկ խնդիրները շարունակում են մնալ։
Մանրամասները՝ տեսանյութում։
Մերի Մարտիրոսյան
