19.11.2024 | 10:46
«Իմ քվեարկությունը չեղավ», «Դա հիմք է ստեղծելու Ձեզ հետագայում հեռացնել»․ Ավինյանը կատակեց․ ՏԵՍԱՆՅՈՒԹ
Ֆրանսիայում ՀՀ դեսպանը Ֆրանսուա Օլանդի հետ քննարկել է Հայաստանի և ԼՂ-ի շուրջ տիրող իրավիճակը
Քաղաքականություն
01.07.2021 | 18:21
Հունիսի 30-ին Ֆրանսիայում ՀՀ դեսպան Հասմիկ Տոլմաջյանը հանդիպել է Ֆրանսիայի նախկին նախագահ Ֆրանսուա Օլանդին. այս մասին տեղեկանում են Ֆրանսիայում ՀՀ դեսպանությունից:
«Քննարկվել է Հայաստանի և Լեռնային Ղարաբաղի շուրջ տիրող իրավիճակը։ Դեսպանը ներկայացրել է Հայաստանի ու Արցախի դեմ ադրբեջանական ագրեսիայի արդյունքում ի հայտ եկած անվտանգային ու հումանիտար խնդիրները, այդ թվում՝ Ադրբեջանում անօրինական կերպով պահվող հայ ռազմագերիների հիմնախնդիրը։
Դեսպանը շնորհակալություն է հայտնել նախագահին՝ Հայաստանին ու հայ ժողովրդին ցուցաբերվող շարունակական աջակցության և հայ-ֆրանսիական բարեկամական հարաբերությունների ամրապնդման գործում ունեցած ներդրման համար»,- ասված է հաղորդագրությունում:
