11.10.2026 | 15:59
Վթարային ջրանջատում Մալաթիա-Սեբաստիա և Էրեբունի վարչական շրջաններում
Արսեն Թորոսյանը կզբաղվի օրենսդիր աշխատանքով
Քաղաքականություն
01.07.2021 | 18:08
Factor.am-ն արդեն տեղեկացրել է, որ վարչապետի պաշտոնակատարի այսօրվա որոշումներով Արսեն Թորոսյանն ազատվել է վարչապետի աշխատակազմի ղեկավարի պաշտոնից և այդ պաշտոնում նշանակվել է Արայիկ Հարությունյանը, որը մինչ այդ զբաղեցնում էր վարչապետի գլխավոր խորհրդականի պաշտոնը։
Արսեն Թորոսյանը մինչև 2021-ի հունվարի 18-ը ղեկավարում էր ՀՀ առողջապահության նախարարությունը։ ՔՊ-ի ընտրական ցուցակի 10-րդ համարը գործադիրից տեղափոխվում է օրենսդիր․ այս մասին խոսել է Նիկոլ Փաշինյանը վարչապետի աշխատակազմին նորանշանակ ղեկավար Արայիկ Հարությունյանին ներկայացնելու ժամանակ:
Վարչապետի պաշտոնակատարը մինչ այդ շնորհակալություն է հայտնել Արսեն Թորոսյանին աշխատակազմի ղեկավարի պաշտոնում կատարած աշխատանքի համար. «Պարոն Թորոսյանն այդ պաշտոնն ստանձնեց չափազանց բարդ մի ժամանակաշրջանում և պատվով կատարեց իր առջև դրված խնդիրը: Եվ պիտի արձանագրեմ, որ ես գոհ եմ պարոն Թորոսյանի կատարած աշխատանքից: Ինչպես պարոն Հարությունյանը, այնպես էլ պարոն Թորոսյանը մեր քաղաքական թիմի առանցքային ներկայացուցիչներն են, և քաղաքական քննարկումների արդյունքում, այդ թվում պարոն Թորոսյանի ցանկությունները հաշվի առնելով, մենք որոշել ենք, որ նա իր հետագա գործունեությունը կշարունակի Ազգային ժողովում՝ օրենսդիր մարմնում»:
