11.10.2026 | 15:47
Լեհաստանում ստուգում են Տուսկի դեմ հնարավոր մահափորձի վերաբերյալ տեղեկությունները
«Այս փոփոխությունները լուրջ խնդիրներ են առաջացնելու մասնավոր մանկապարտեզների համար». Սոֆյա Հովսեփյան. ՏԵՍԱՆՅՈՒԹ
Հասարակություն
30.06.2021 | 15:03
Հանդիպում եմ ունեցել մասնավոր մանկապարտեզների տնօրենների հետ, որոնք ստեղծել են ասոցացիա և մի շարք խնդիրների մասին են բարձրաձայնել: Այս մասին Ազգային ժողովի արտահերթ նիստում ասաց Աժ պատգամավոր Սոֆյա Հովսեփյանը՝ անդրադառնալով կառավարության կողմից ներկայացված՝ լիցենզավորման մասին օրենքում լրացում կատարելու վերաբերյալ նախագծին, որով առաջարկվում է լիցենզավորման դաշտ բերել նախադպրոցական ծառայությունները։
«Խնդիրը վերաբերում է նրան, որ լիցենզիայի մասին օրենքի ընդունումից հետո պետք է մշակվեն ենթաօրենսդրական կարգեր, սակայն առողջապահության նախարարության այս պահին գործող և հետագայում առաջարկվող կարգերը բավականին լուրջ խնդիրներ են առաջացնում մասնավորապես մասնավոր մանկապարտեզների համար, հնարավոր է այնպես ստացվի, որ ինչ-ինչ պատճառներով մի շարք մանկապարտեզներ փակվեն, թերևս այդ կարգերի մեջ չեն տեղավորվում անգամ պետական մանկապարտեզները»,- նշեց Սոֆյա Հովսեփյանը: Նա նկատեց, որ թեև հանձնաժողովում կարծիք հայտնեցին առ այն, որ թող փակվեն, և այդ կարծիքին է նաև առողջապահության նախարարությունը, սակայն այս հարցին չպետք է արկածախնդրորեն մոտենալ, որովհետև նախադպրոցական կրթության տարիք ունեցող երեխաների տանը մնալը ամենալուրջ խնդիրներից մեկն է։
«Այդ պարագայում կփակվեն գրեթե բոլոր պետական մանկապարտեզները, և մենք կունենանք բառացիորեն նախադպրոցական կրթության ձախողում։ Մենք պետք է զարգացնենք այս ոլորտը և ոչ թե դեգրադացնենք»,- նշեց պատգամավորը։
Մանրամասները՝ տեսանյութում:
