17.09.2026 | 13:27
Հաջիևը հայտարարել է, թե ՀՀ-ում և սփյուռքում «ռևանշիստական ուժերը» փորձում են խաթարել խաղաղությունը
«Աբովյան Վերին Պուրակ» ջրամբարի մոտից բերման ենթարկվածը հոգեկան խնդիրներ ունի
Հասարակություն
25.06.2021 | 17:17
Ինչպես ավելի վաղ հայտնել էինք համացանցում տարածվել էր տեղեկություն, թե երեկ 68-ամյա մի քաղաքացի, իբր, փորձել է թունավորել «Աբովյան Վերին Պուրակ» օրվա կարգավորիչ ջրամբարը։
Ոստիկանությունից հայտնել էին, որ թունավորման մտադրություն ունենալու վարկածը հաստատված չէ։ Քննչական կոմիտեն նոր մանրամասներ է հայտնել այս միջադեպից։ Factor.am-ի հետ զրույցում Քննչական կոմիտեի մամուլի պատասխանատու Վարդան Թադևոսյանը հայտնել է, որ տղամարդը հոգեկան առողջական խնդիրներ ունի և ոչ ադեկվատ վիճակում հայտնվել է հատուկ պահպանվող տարածքում։
Ըստ Թադևոսյանի՝ 68-ամյա տղամարդը ներքին համոզմունք է ունեցել, որ պետք է ջրամբարը թունավորի, սակայն նման փորձ չի արել։ «Տեսնելով,որ ոստիկան է մոտենում՝ ձեռքին գտնվող ձողով 2-3 անգամ հարվածել է նրան»,- նշեց Վարդան Թադևոսյանը։
Դեպքի առթիվ նյութեր են նախապատրաստվում ՀՀ քրեական օրենսգրքի 316 հոդվածի 1-ի մասով՝ իշխանության ներկայացուցչի նկատմամբ բռնություն գործադրելու հատկանիշով։
