27.11.2024 | 19:30
ՆԱՏՕ-ն պատրաստվում է կանխարգելող հարված հասցնել, եթե ՌԴ-ն փորձի միջուկային զենք կիրառել․ Օլեգ Ժդանով․ ՏԵՍԱՆՅՈՒԹ
Իրանի դեմ սահմանված բոլոր պատժամիջոցները պետք է չեղարկվեն․ Իբրահիմ Ռաիսի
Քաղաքականություն
21.06.2021 | 22:26
Իրանի նորընտիր նախագահ Իբրահիմ Ռաիսին ընտրություններում հաղթանակից հետոո այսօր հրավիրված առաջին ասուլիսում հայտարարել է, որ իր երկրի արտաքին քաղաքականությունը չի սահմանափակվի 2015 թվականի միջուկային գործարքով, հաղորդում է EurAsia Daily-ն:
«Մեր քաղաքականությունը չի սահմանափակվի միջուկային գործարքով։ Մենք արտաքին աշխարհի հետ փոխգործակցություն կունենանք։ Սակայն մենք չենք կապի Իրանի ժողովրդի շահերը միջուկային գործարքի հետ»,- նշել է ԻԻՀ նոր ղեկավարը։
«Կոչ եմ անում ԱՄՆ-ին՝ վերադառնալ գործարքին։ Իրանի դեմ սահմանված բոլոր պատժամիջոցները պետք է չեղարկվեն»,- ընդգծել է նա։
Սակայն ինչպես իրանցի, այնպես էլ արևմտյան պաշտոնյաների կարծիքով՝ Իբրահիմ Ռաիսիի ընտրությունը դժվար թե փոխի Իրանի դիրքորոշումը միջուկային գործարքի վերաբերյալ բանակցություններում, քանի որ արտաքին քաղաքականության բոլոր հիմնական ոլորտների վերաբերյալ վերջնական խոսքն ասում է Իրանի Իսլամական Հանրապետության գերագույն հոգևոր առաջնորդ Սեյիդ Ալի Խամենեին։
Տաթև Ֆռանգյան
