29.07.2026 | 21:43
Հայաստանի բասկետբոլի ֆեդերացիան ունի նոր նախագահ
Հայաստանի նախագահությամբ այսօր անցկացվել է Միջազգային էներգետիկ խարտիայի Երևանի ֆորումը
Հասարակություն
16.06.2021 | 21:07
Այսօր առցանց հարթակում կայացել է Միջազգային էներգետիկ խարտիայի Երևանի ֆորումը, որն այս տարի նախագահում է Հայաստանի Հանրապետությունը։
ՏԿԵ նախարարի տեղակալ, Միջազգային էներգետիկ խարտիայի համաժողովի փոխնախագահ Հակոբ Վարդանյանն իր բացման խոսքում ողջունել է մասնակից երկրների ներկայացուցիչներին և հույս հայտնել, որ ֆորումը վերջին մարտահրավերների և զարգացումների համատեքստում քաղաքական երկխոսության, գիտելիքների և փորձի փոխանակման լավագույն հարթակ կծառայի։
«Այսօրվա ֆորումի թեման ՝ «Էներգետիկ ենթակառուցվածքների հզորացում՝ հանուն կայուն զարգացման», լիովին համահունչ է 2021 թ. նախագահության գերակայություններին։ Գիտակցելով գլոբալ էներգետիկ մարտահրավերները՝ Հայաստանը գտնում է, որ փոխկապակցվածության, էներգետիկ կամուրջների և միջանցքների հզորացումը և էներգետիկ բաց, մրցակցային շուկաները կարևոր նշանակություն ունեն 2030 թ․ կայուն զարգացման օրակարգի նպատակներին հասնելու և վերականգնվող էներգետիկային անցումը խթանելու համար»,- նշել է Հակոբ Վարդանյանը՝ հաջողություն մաղթելով ֆորումի աշխատանքներին:
Աշխատաժողովի մասնակից երկրները ներկայացրել են խարտիայի շրջանակում իրենց երկրների լավագույն փորձը, հանդես են եկել զեկույցներով։ Քննարկվել են տարածաշրջանային էներգետիկ համագործակցության տարբեր ձևաչափեր։
Էներգետիկ խարտիան հիմնադրվել է 1991թ.-ին` Հաագայում ստորագրված քաղաքական հռչակագրով: Կազմակերպությանն անդամակցում են 51 երկրներ: Հայաստանի Հանրապետությունը Էներգետիկ Խարտիայի պայմանագիրը ստորագրել է 1994թ.-ին: Էներգետիկ խարտիայի հիմնական նպատակը միասնական իրավական դաշտի և կանոնների սահմանումն ու ամրապնդումն է, որը պետք է պահպանվի անդամ երկների կողմից, ինչը թույլ կտա նվազեցնել ռիսկերը կապված էներգետիկայի բնագավառում ներդրումների, առևտրի և տարանցման խնդիրների և երրորդ երկրի ազատ մուտքի և հասանելիության հետ:Էներգետիկ Խարտիայի որոշումներ ընդունող մարմինը տարեկան համաժողովն է։ ներդրումային հարցերով, էներգախնայողության հարցերով աշխատանքային խմբերը:
