09.06.2026 | 00:17
Մարկո Ռուբիոն շնորհավորել է Փաշինյանին
ԵՄ-ն ողջունում է գործողությունները, որոնք հանգեցրել են 15 հայ գերիների հայրենիք վերադարձին. Ժոզեֆ Բորել
Քաղաքականություն
13.06.2021 | 20:28
Եվրամիությունը ողջունում է այն գործողությունները, որոնք ձեռնարկել են Հայաստանը և Ադրբեջանը ՝ Վրաստանի միջնորդությամբ, – հայտարարել է Եվրամիության արտաքին գործերի և անվտանգության քաղաքականության հարցերով բարձր ներկայացուցիչ Ժոզեֆ Բորելը։
Նա արձագանքել է 15 հայ գերիների հայրենիք վերադարձին՝ ականապատված տարածքների քարտեզի դիմաց։
«Սրանք Բաքվի և Երևանի կողմից մարդասիրական և վստահության կառուցման կարևոր ժեստեր են, որոնք, հուսով եմ, կբացեն կողմերի հետագա համագործակցության ուղին և կբերեն բոլոր հայ կալանավորվածներին վերջնական ազատ արձակմանը, ինչպես նաև ականապատ տարածքների բոլոր քարտեզների հանձնմանը ՝ հետագա քաղաքացիական զոհերից խուսափելու համար»,- նշել է նա։
Ըստ նրա՝ Եվրամիությունը և միջազգային այլ դերակատարներ ակտիվորեն խրախուսել են քայլերն այս ուղղությամբ։
ԵՄ -ն խոստանում է շարունակել նպաստել հակամարտության կայուն և համապարփակ կարգավորմանը եւ կրկնում է կոչը Հայաստանին և Ադրբեջանին ՝ ԵԱՀԿ Մինսկի խմբի հովանու ներքո վերսկսել առարկայական բանակցությունները։
