15.12.2025 | 16:17
Զելենսկին չի բացառել ՆԱՏՕ-ին անդամակցելուց հրաժարվելու հնարավորությունը, եթե Կիևն անվտանգության երաշխիքներ ստանա
Նիկոլ Փաշինյանը մանրամասներ է պատմել 15 ռազմագերիների վերադարձից․ ՏԵՍԱՆՅՈՒԹ
Քաղաքականություն
12.06.2021 | 20:57
15 րոպե առաջ նրանք հատել են ՀՀ սահմանը և արդեն գտնվում են ՀՀ-ում. Գավառում երեկոյան անցկացված հանրահավաքի ժամանակ հայտարարեց վարչապետի պաշտոնակատար Նիկոլ Փաշինյանը։
Նա ներկայացրեց, թե ինչ հանգամանքներում և ինչ պայմաններով է տեղի ունեցել ռազմագերիների վերադարձը․ «Երկու օր առաջ ես հանդիպում ունեցա ԱՄՆ պետքարտուղարի տեղակալ Ֆիլիպ Ռիքերի հետ, ով ասաց, որ ԱՄՆ պետքարտուղար Էնտոնի Բլինկենի հանձնարարությամբ ինքն ունի առաքելություն այս օրերի ընթացքում ինչ-որ ճեղքում ապահովել գերիների վերադարձի հարցում և եթե մենք պատրաստ ենք այդպիսի համագործակցության, ապա իրենք պատրաստ են ներգրավվել գործին։ Ես ասացի, որ մենք, իհարկե, պատրաստ ենք և ահա այսօր գործադրված ջանքերի արդյունքում, այդ թվում՝ Վրաստանի վարչապետ Իրակլի Ղարիբաշվիլիի, վրաց մեր եղբայրների, ԵՄ գործընկերների շնորհիվ 15 գերեվարված եղբայրները վերադառնում են Հայաստան։ Նրանք Ադրբեջանից Կարմիր կամուրջով մտել են Վրաստան և հետո՝ Բագրատաշենով Հայաստան»։
Փաշինյանն ասաց, որ նրանք այսօր բուժզննման կենթարկվեն, տեսակցություն կունենան նաև հարազատների հետ։ Ըստ նրա՝ գերիների վերադարձի դիմաց հայկական կողմը ականապատ դաշտերի քարտեզներ է հանձնել։
«Ուզում եմ ասել, որ մենք քարտեզները ոչ թե փոխանակել ենք գերիների հետ, այլ քայլին քայլով ենք պատասխանել, և խոսքն այն ականների մասին է, որոնք գտնվում են Ադրբեջանի ԶՈՒ թիկունքում»։
