01.03.2026 | 13:53
Օդի ջերմաստիճանը մարտի 1-ի ցերեկը, 2-3-ին գիշերային ժամերին կնվազի 6-9 աստիճանով
ԱՄՆ-ը` ընդդեմ միջազգային կիբերհարձակումների
Քաղաքականություն
11.06.2021 | 22:48
Համակարգչային շորթող ծրագրերը արագ տարածում են գտնում աշխարհում, եւ Ռուսաստանը համարվում է նման ամենամեծ խմբերի հավաքատեղի, գրում է Ամերիկայի ձայնը։
ԱՄՆ-ի Colonial Pipeline բենզատար խողովակաշարերի ընկերության գործադիր տնօրեն Ջոզեֆ Բլաունթը հիշում է, թե ինչպես ինքը ստիպված եղավ 5 միլիոն դոլարի չափով փրկագին վճարել հաքերային այն խմբին, որի կիբերհարձակման արդյունքում ընկերությունը զրկվել էր ներքին իր տեղեկագրերից օգտվելու հնարավորությունից:
«Գիտակցելով երկրի համար վառելայնութի կարեւորության չափը, իմ աշխատանքային գործունեության քառասուն տարիների ընթացքում ընդունեցի ամենածանր որոշումը: Առաջին հերթին վեր դասեցի երկրի շահերը»,- ասում է նա:
Այս ընկերությունը միակը չէ, որը ենթարկվել է նման հարձակման: Միայն անցած մեկ տարվա ընթացքում հաքերներին հաջողվել է կիբերհարձակումների դիմել ընդդեմ հիվանդանոցների, տրանսպորտային համակարգերի եւ սննդարդյունաբերության:
Այս գործողություններն իրականացնելու համար սահմաններ չկան, իսկ որպես փրկագին նրանց օգտին փոխանցվող գումարներն իրականացվում են կրիպտոարժույթի միջոցով, ինչը շատ է դժվարացնում նրանց հայտնաբերումը:
Հաքերներն իրենց նպատակների համար կիրառում են համակարգիչների խոցելի ցանցերը: Տվյալ ընկերության աշխատակիցներին են ուղարկում էլեկտրոնային նամակներ, որոնց հետ ուղարկված կցորդները բացելիս, հաքերը ստանում է համակարգչային վիրուս փոխանցելու հնարավորություն: Տվյալ ցանց մուտք գործելուց հետո նրանք արգելափակում են այդ ցանցը եւ փոխանցում տեղեկություն, թե որտեղ են պահանջում փոխանցել փրկագինը:
Պաշտոնատար անձինք ասում են, որ ԱՄՆ-ի իրավապահ մարմինները վերականգնել են Colonial Pipelines ընկերության վճարած գումարի 2 միլիոն 300 հազար դոլար գումարը, որը, ըստ իրենց ստացած տեղեկությունների, փոխանցվել էր Ռուսաստանում գործող կիբերհանցագործ խմբերից մեկին:
Հաջորդ շաբաթ ԱՄՆ-ի ու Ռուսաստանի նախագահների միջեւ անցկացվելիք գագաթաժողովի ժամանակ Ջո Բայդենը վեր է հանելու կիբերհանցագործությունների օրրան դարձած Ռուսաստանի հարցը:
Բայդենի վարչակազմը նախազգուշական հրահանգ է արձակել բոլոր կազմակերպությունների ու հաստատությունների համար այն մասին, որ այժմ ժամանակն է բարելավելու իրենց կիբերանվտանգային համակարգերը` համակարգչային շորթող ծրագրերից պաշտպանվելու համար:
