Բաքվի ապօրինի քրգործերը շիրակցի ռազմագերիների նկատմամբ․ նրանցից երեքն ազատանցիներ են

Լուրեր

28.03.2024 | 23:16
Հրազդանում մթնոլորտային օդում փոշու պարունակությունը գերազանցել է սահմանային թույլատրելի կոնցենտրացիան
28.03.2024 | 23:01
Դեսպան Գալստյանն ու Ռումինիայի ԱԳՆ պետքարտուղարը կարևորել են միջգերատեսչական համագործակցության ակտիվացումը
28.03.2024 | 22:47
Որոշում եմ կայացրել այս պահին չհավակնել ԲԴԽ դատավոր անդամի թափուր տեղին. Վազգեն Ռշտունի
28.03.2024 | 22:39
Պապիկյանը մասնակցել է օպերատիվ հավաքների շրջանակում ռազմական տեխնիկայի ցուցադրությանը
28.03.2024 | 22:04
Հայաստանի մի շարք հասցեներում էլեկտրաէներգիայի անջատումներ կլինեն
28.03.2024 | 21:44
Ո՞րն է Կոռուպցիայի կանխարգելման հանձնաժողովի «աքիլլեսյան գարշապարը». ԹԻՀԿ զեկույցը. ՏԵՍԱՆՅՈՒԹ
28.03.2024 | 21:38
Քաղաքական խորհրդակցություններ՝ Հայաստանի և Կորեայի ԱԳՆ-ների միջև
28.03.2024 | 21:35
ՌԴ-ում «Կրոկուս»-ի ահաբեկչության գործով չորս մեղադրյալների ահաբեկիչների և ծայրահեղականների ցանկում են ներառել
28.03.2024 | 21:22
Լոնդոնի ընկերության հետ քննարկվել են Երևանի նոր գլխավոր հատակագծի մշակմանն առնչվող հարցեր
28.03.2024 | 21:07
Թուրքիայի քրդերի ձայնը կարող է որոշիչ լինել Ստամբուլի քաղաքապետի ընտրություններում՝ տապալելու Էրդողանի կուսակցության թեկնածուին․ անդրադարձ
28.03.2024 | 20:46
Իսրայելի պաշտպանության բանակը հայտնել է, որ ՀԱՄԱՍ-ի ավելի քան 200 զինյալ է սպանվել Շիֆայի հիվանդանոցում
28.03.2024 | 20:34
Երևանում ծառի ճյուղը թեքվել և ընկել է էլեկտրական լարերի վրա
28.03.2024 | 20:15
Լավրովը հայտարարել է, թե ԵՄ առաքելությունը Հայաստանում վերածվում է ՆԱՏՕ-ի առաքելության
28.03.2024 | 20:00
ԱՄՆ-ն և ԵՄ-ն կասեն Փաշինյանին՝ վե՛րջ տուր խաղերիդ, ասա՝ ո՞ւմ հետ ես, ՌԴ-Արևմուտք պատերազմ է․ Արա Պապյան․ ՏԵՍԱՆՅՈՒԹ
28.03.2024 | 19:44
Տուգանքի 50 տոկոսը վճարելու դեպքում պարտավորությունը կհամարվի կատարված. ՆԳՆ
Բոլորը

Պաշտոնական Բաքուն շինծու քրեական գործեր է հարուցել շիրակցի ռազմագերիների նկատմամբ։ Ադրբեջանի Պետական անվտանգության ծառայությունն ու Գլխավոր դատախազությունը նախ համատեղ հայտարարությամբ տեղեկացրին, որ 14 գերու նկատմամբ է հարուցվել քրեական գործ, ապա՝ ևս 13-ի։ Ընդհանուր առմամբ, քրեական գործեր են հարուցվել 27 ռազմագերիների նկատմամբ, որոնցից երեքը ազատանցի գերիներն են։

Ազատանից ի սկզբանե 6 գերի է պահվել Ադրբեջանում, որից մեկը վերադարձել է Հայաստան, մյուսները Բաքվում են։ Այս մասին Factor.am-ի հետ զրույցում հայտնեց Ազատան համայնքի ղեկավար Վարդան Իկիլիկյանը։

Նա նշեց, որ գերիների հարազատները հիմա ավելի են հուսահատվել քրեական գործերի հարուցումից հետո։

«Հարազատների մոտ շատ վատ վիճակ է, խուճապային իրավիճակ է, մարդիկ ի՞նչ վիճակի պիտի լինեն։ Երբ լսում են այսքան ժամանակ, հույսով սպասում են, որ իրենց որդիներին պիտի վերադարձնեն, հիմա էլ տեղեկանում են, որ պիտի դատեն։ Համոզված ենք, որ եթե դատեցին, տղաները պատիժն էլ կրելու են Ադրբեջանում։ Հաստատ թույլ չեն տա այլ երկրում կրել։ Չգիտեմ՝ ինչ է լինելու»,- ասաց Վարդան Իկիլիկյանը։

Նախօրեին վարչապետի պաշտոնակատար Նիկոլ Փաշինյանը նախընտրանական քարոզարշավ էր անցկացնում Ազատանում։ Գերիների ծնողները դիմել են այս հարցով ու ստացել պատասխան՝ պետք է սպասել։

«Ծնողները ջղայնացած մոտեցել էին, ասել էին՝ բա հիմա արդեն դատում են մարդկանց, ասում էիք՝ կբերեք։ Ասել է՝ կներեք, երկու ամիս էլ սպասեք։ Երկու ամիս ինչի՞ պիտի սպասեն։ Կարծես վարչապե՞տը պիտի համաներումը ստորագրի Ադրբեջանի փոխարեն։ Չգիտեմ՝ հույսը ինչի վրա է՝ երկու ամիս էլ սպասելու համար։ Սպասենք, որ ի՞նչ անենք, բայց և չսպասենք՝ ինչ պիտի անենք»,- նշեց համայնքի ղեկավարը։

Նրա խոսքով՝ վերջին անգամ գերիները հարազատների հետ հեռախոսազրույց են ունեցել մի ամիս առաջ, մի քանի օր առաջ էլ մեկը կամ երկուսն են խոսել։

Նշենք նաև, որ ըստ ադրբեջանական լրատվամիջոցերի՝ 14 շիրակցի ռազմագերու շինծու քրեական գործերով նախնական դատական նիստը տեղի է ունենալու հունիսի 16-ին, Բաքվի ծանր հանցագործությունների դատարանում, մյուս 13 գերիների դատավարությունն էլ կայանալու է հունիսի 22-ին։

Հիշեցնենք՝ Հադրութի Հին Թաղեր ու Խծաբերդ բնակավայրերում դեկտեմբերին, ռազմական գործողությունների ավարտից հետո, Շիրակի մարզի տարբեր համայնքների 62 զինվորականներ գերեվարվեցին Ադրբեջանի կողմից։ Նրանց նկատմամբ Ադրբեջանի իշխանությունները տարբեր քրեական գործեր են հարուցել, որակել են դիվերսանտներ ու հրաժարվում են վերադարձնել։

8 շիրակցիներ արդեն վերադարձել են․ հունվարի 28-ին Հայաստան վերադարձավ 5 շիրակցի գերի, փետրվարի 8-ին՝ ևս 5-ը, որոնցից 3-ը՝ Գյումրիից։ Գերիների վերջին խումբը՝ 3 ռազմագերի, Հայաստան վերադարձավ մայիսի 4-ին։ Նրանցից մեկը Շիրակի մարզից է։ Մյուս գերիները շարունակում են մնալ Ադրբեջանում։

Էմմա Չոբանյան