06.12.2025 | 22:41
Պետք է շարունակենք մեր ծառայությունը բերել մեր ժողովրդին. Գարեգին Բ-ն` Փաշինյանի քայլերի մասին. ՏԵՍԱՆՅՈՒԹ
Ավինյանը` Արա Այվազյանի մեղադրանքների և փոխնախարարների ազատման դիմումների մասին. ՏԵՍԱՆՅՈՒԹ
Քաղաքականություն
10.06.2021 | 13:25
Պարոն Այվազյանի մեղադրանքների վերաբերյալ կարծում եմ, որ բոլոր մեկնաբանությունները պետք է փորձեք իրենից ստանալ: Այս մասին, այսօր լրագրողների հետ զրույցում նշեց փոխվարչապետի պաշտոնակատար Տիգրան Ավինյանը՝ անդրադառնալով ԱԳ արդեն նախկին նախարար Արա Այվազյանի հնչեցրած հայտարարությանը:
«Բայց ես ուզում եմ մի շատ կարևոր փաստ արձանագրել․ մայիսի 12-ի միջադեպերից այդ օրվանից սկսած գրեթե ամենօրյա ռեժիմով մենք ունեցել ենք Անվտանգության խորհրդի նիստեր, և արտաքին գործերի նախարարը ի պաշտոնե այդ նիստերին մասնակցում է, և այն որոշումները, որոնք կայացվել են, կայացվել են հենց այդ նիստերին՝ արտաքին գործերի նախարարի մասնակցությամբ և, ընդհանուր առմամբ, բոլոր քննարկումները, որոնք մենք ունեցել ենք, Անվտանգության խորհրդի բոլոր անդամները դրա մասին տեղեկացված են եղել: Ես դա ուզում եմ վստահաբար ձեզ տեղեկացնել»,- նշեց Այվազյանը:
Հարցին, թե արդյոք Արա Այվազյանն անհամաձայնություն ունեցել է Նիկոլ Փաշինյանի առաջարկի հետ, որ պետք է զորքերը հայելային տարբերակով հետ քաշել ու տեղակայել միջազգային դիտորդներ, Ավինյանը պատասխանեց. «Ես դրա հետ կապված որևէ մեկնաբանություն չեմ ուզում անել: Անհամաձայնություն ունեցել է, թե չի ունեցել, թող պարոն Այվազյանը հայտնի: Ես ուզում եմ շեշտել, որ բոլոր որոշումները, որ կայացվել են, եղել է համաձայնություն. անհամաձայնություն, քննարկում եղել է նվազագույնը»:
Մանրամասները՝ տեսանյութում:
