26.08.2026 | 23:30
Երևանում ապամոնտաժվել են ևս երկու ապօրինի կառույցներ. քաղաքապետարան
Կառավարությունը ևս երեք ամսով երկարացնում է անհետ կորած զինծառայողների ընտանիքների սոցիալական աջակցության ծրագիրը
Քաղաքականություն
09.06.2021 | 21:25
2020 թվականի դեկտեմբերի 10-ին, ՀՀ Կառավարության որոշմամբ, Արցախյան երկրորդ պատերազմի ժամանակ ռազմական գործողությունների հետևանքով անհետ կորած զինծառայողների ընտանիքներին տրվում է ֆինանսական աջակցություն:
Անհետ կորածների ընտանիքներին յուրաքանչյուր ամիս հատկացվում է 300 հազար դրամ: Աջակցության միջոցառումը հաստատվել էր վեց ամիս ժամկետով: Այժմ Կառավարությունը ցանկանում է ևս երեք ամսով երկարացնել աջակցության ծրագրի ժամկետը:
Կառավարության որոշման նախագծում նշված է, որ կատարված դիտարկումների արդյունքում 30.04.2021թ. դրությամբ դատական կարգով անհետ բացակայող ճանաչված ընդամենը 4 զինծառայողի փաստաթղթեր են ներկայացվել ՀՀ Պաշտպանության նախարարության սոցիալական ապահովության խնդիրներ իրականացնող ստորաբաժանում, ինչը բավականին ցածր ցուցանիշ է:
Նարեկ Կիրակոսյան
