30.06.2026 | 12:56
Լեհաստանը ՄիԳ-29 կործանիչներ չի փոխանցի Ուկրաինային․ ՊՆ ղեկավար
Ինչո՞ւ չենք կարողանում պատժել մեր սահմանը հատած մի քանի հարյուր թշնամու․ սրան պետք է պատասխանի նաև մեր ռազմավարական գործընկերը․ Ուրիխանյան. ՏԵՍԱՆՅՈՒԹ
Քաղաքականություն
09.06.2021 | 13:56
«Մեր տունը Հայաստանն է» միասնական ցուցակի վարչապետի թեկնածու Տիգրան Ուրիխանյանը՝ անդրադառնալով ՀԱՊԿ-ին ու ՀՀ սահմանների անձեռնմխելիության հարցում այդ կառույցի դերին, նշեց, որ իրենց քաղաքական ուժն ընտրություններում հաղթելու դեպքում Ռուսաստանից ստանալու է այդ հարցի պատասխանը ու այն ներկայացնելու է նաև հանրությանը։
«ՀՀ-ն առայժմ գտնվում է այնպիսի անվտանգության համակարգում, որը հիմնված է երկրագնդի վրա գոյություն ունեցող ամենաուժեղ զինված ուժերից մեկի վրա, որի տիրապետման ներքո են միջուկային մարտագլխիկները և միջմայրցամաքային գերձայնային հեռահարության հրթիռները և այլն։
Այսինքն` հարց է առաջանում` բա եթե մենք այդքան ուժեղ ենք, ինչո՞ւ չենք կարողանում պատժել մեր սահմանը ապօրինաբար հատած ընդամենը մի քանի հարյուր թշնամիների։ Այս հարցի պատասխանը պիտի տա նաև ռազմավարական գործընկերը։ Ու մեր ամենակարևոր խոստումներից մեկն էլ ռազմավարական գործընկերոջից այս հարցի պատասխանը ստանալն է»,– ասաց Ուրիխանյանը։
Ընդ որում` սա միակ հարցը չէ, որ «Մեր տունը Հայաստանն է» կուսակցության վարչապետի թեկնածուն հնարավոր հաղթանակի դեպքում պատրաստվում է ուղղել ռազմավարական գործընկեր Ռուսաստանին։
Մանրամասները՝ տեսանյութում:
