15.01.2025 | 19:49
Լոս Անջելեսի շրջանում «հատկապես վտանգավոր իրավիճակ» է հայտարարվել
Ռուսաստանը իրապես փրկեց Արցախը, պետք չի դա մոռանալ․ Վանեցյան. ՏԵՍԱՆՅՈՒԹ
Քաղաքականություն
09.06.2021 | 12:53
Ի՞նչ եք պահանջում Ռուսաստանից, երբ ինքներդ չեք ճանաչել Արցախը, չեք ճանաչել այն որպես ՀՀ-ի մաս։ Ռուսաստանցի հեռուստալրագրող, մեկնաբան Վլադիմիր Սոլովյովի հետ հարցազրույցում ՀՀ ԱԱԾ նախկին պետ, «Պատիվ ունեմ» դաշինքի վարչապետի թեկնածու Արթուր Վանեցյանն անդրադառնալով այս հարցին՝ պատասխանեց. «Նախկին իշխանությունը չի ճանաչել Արցախը, որպեսզի դուրս չգա բանակցային գործընթացից, որպեսզի հարցը լուծվի խաղաղ ճանապարհով: Բայց կար պլան՝ Ադրբեջանի կողմից ռազմական գործողություններ սկսելու դեպքում պետք էր ճանաչել Արցախը։
Նիկոլ Փաշինյանը, որը կապիտուլյանտ անվամբ է հիմա հայտնի, չգտավ ուժ կամ գրագիտություն, կամ գուցե միտումնավոր ոչինչ չարեց, ու չճանաչեց Արցախը: Եվ հիմա մեղադրել Ռուսաստանին նրանում, որ չօգնե՞ց:
Ռուսաստանն ակտիվորեն մասնակցություն ունեցավ և իրապես փրկեց Արցախը, պետք չէ դա մոռանալ: Ռուսաստանն օգնել է և շարունակում է օգնել: Այսօր Արցախում ապրում են մարդիկ, և նրանք ապրում են ռուս խաղաղապահների պաշտպանության ներքո, չի կարելի դա մոռանալ:»:
Մանրամասները՝ տեսանյութում:
