06.06.2026 | 21:21
Եղիշե Մելիքյանը՝ Ղազախստանի հավաքականի հետ ոչ-ոքիի մասին․ ՏԵՍԱՆՅՈՒԹ
ԱՄՆ-ը մտադիր է շարունակել ուսումնասիրել Բաքվին տրամադրվող օգնության հնարավոր դադարեցման հարցը
Քաղաքականություն
09.06.2021 | 12:01
ԱՄՆ-ը կշարունակի դիտարկել Լեռնային Ղարաբաղի շուրջ հակամարտության գոտում շարունակվող լարվածության ֆոնին Ադրբեջանին հետագա տարբեր տեսակի, այդ թվում՝ ռազմական օգնության տրամադրման իրագործելիությունը: Այս մասին երեքշաբթի հայտարարել է ԱՄՆ պետքարտուղար Էնթոնի Բլինքենը:
ԱՄՆ պետքարտուղարի մասնակցությամբ լսումների ժամանակ բարձրացվել է Վաշինգտոնի կողմից Բաքվին օգնություն հատկացնելու հարցը: Լսումները տեղի են ունեցել ԱՄՆ Սենատի արտաքին հարաբերությունների հանձնաժողովում:
Կոմիտեի նախագահ Ռոբերտ Մենենդեսը հայտարարել է, որ հիասթափված է ԱՄՆ վարչակազմի որոշումից՝ որպես բացառություն շարունակել օժանդակություն տրամադրել Ադրբեջանի կառավարությանը, ներառյալ՝ ռազմական օգնությունը: ԱՄՆ կառավարության գործադիր իշխանությունը հրապարակավ հայտարարեց այս որոշման մշակման մասին մայիսին:
«Մենք ստիպված կլինենք շարունակել այն դիտարկել»,- ասել է Բլինկենը՝ պատասխանելով Մենենդեսին:
«Ես ակտիվ մասնակցություն եմ ունեցել այդ գործում, հատկապես՝ գերիների վերադարձման հարցում, փոխգործակցել ենք բանակցությունների հարցում Լեռնային Ղարաբաղի հակամարտության իրական կարգավորման նպատակով»,- հավելել է ամերիկյան դիվանագիտության ղեկավարը։
Այլ մեկնաբանություններ Բլինքենը չի արել։
Տաթև Ֆռանգյան
