20.12.2025 | 20:00
100,000 ռուբլի՝ ՀՀ-ում լրտեսության համար․ ՌԴ քաղաքացիները Հայաստանում տվյալներ են հավաքել․ ՏԵՍԱՆՅՈՒԹ
Բաքուն ընդունել է՝ այսօր գերեվարված հայ զինծառայողը դիվերսանտ չէ
Քաղաքականություն
08.06.2021 | 23:25
Ադրբեջանի ՊՆ-ն հայտարարություն է տարածել՝ հաստատելով Հայաստանի Պաշտպանության նախարարության տարածած տեղեկատվությունն առ այն, որ հայ զինծառայող Արթուր Քաթանյանն այսօր մոլորվել է և հայտնվել Ադրբեջանի տարածքում՝ ընդունելով, որ նա դիվերսանտ չէ։
Հայտարարության մեջ նշվում է, որ անճշտություն է առաջացել այն ժամանակ, երբ հայ զինծառայողն,իբր, «հարցաքննության ընթացքում իրեն կասկածելի է պահել և ոչ ճշգրիտ պատասխաններ տվել», ինչն էլ, ըստ ադրբեջանական կողմի, առիթ է տվել մտածելու, որ նա հայկական դիվերսիոն խմբի անդամ է, սակայն պարզվել է, որ նա ընդամենը մոլորվել է և հայտնվել Ադրբեջանի տարածքում։
Նշենք, որ ՀՀ ՊՆ-ն ավելի վաղ հայտարարել էր, որ հունիսի 8-ին, ՀՀ ԶՈՒ N զորամասի պայմանագրային զինծայառող, շարքային Ա. Քաթանյանը, մառախուղի պատճառով ապակողմնորոշվելով տեղանքում, հայտնվել է Ադրբեջանի ԶՈւ վերահսկողության տակ գտնվող տարածքում։
