18.11.2024 | 23:35
ԵՄ-ն ծրագրում է «քաղաքական առաքելություն» ուղարկել Վրաստան. Բորել
Հասկանալի չէ, թե ով է Անահիտ Ավանեսյանը, ուր մնաց՝ իր պարզաբանումները հասկանալի լինեն. Սոֆյա Հովսեփյան. ՏԵՍԱՆՅՈՒԹ
Քաղաքականություն
04.06.2021 | 16:32
Հասկանալի չէ, թե ով է Անահիտ Ավանեսյանը, ուր մնաց՝ իր պարզաբանումները հասկանալի լինեն: Այս մասին Factor.am-ի հետ զրույցում նշեց պատգամավոր Սոֆյա Հովսեփյանը՝ անդրադառնալով առողջապահության նախարար Անահիտ Ավանեսյանի պարզաբանումներին՝ զինծառայողների դիերի և մասունքների ոչ պատշաճ պահման փաստի կապակցությամբ:
«Եթե նա ուշադիր է եղել, ես հիշեցրել եմ, որ դեկտեմբերին անձամբ դիմել եմ վարչապետին, որպեսզի ինձ լիազորի դիակների տեղափոխման հարցերի կարգավորման առումով, խնդրել եմ 4 մեքենա՝ 4 վարորդով, որպեսզի կազմակերպեմ, թե որ օրը քանի դի է դուրս բերվելու Ստեփանակերտից և տարվելու Գորիս և համապատասխան դիահերձարաններ, այսինքն՝ կարգավորել ելքերն ու մուտքերը, որպեսզի հասկանալի դառնար, թե ինչ ցուցանիշ ունենք:
Անահիտ Ավանեսյանը տեղյակ չէ, թե քանի դիահերձարանում և քանի փորձանմուշ է օրական հետազոտվում և դեռևս քանի դիակ է ենթակա փորձաքննության: Եթե Ավանեսյանը տեղյակ չէ, ասեմ, որ ես գործում եմ, և պարտադիր չէ, որ սելֆի անեմ, հրապարակեմ կամ ինչ-որ մարդկանց նեղացնեմ: Այո՛, շատ բաներ անձամբ տեսնելով՝ այն ժամանակ ասել եմ՝ եթե այսօր չգործեք, վաղը լուրջ խնդիր է լինելու»:
Անդրադառնալով դիտարկմանը, որ Ավանեսյանը ներողություն է խնդրել, և գործի առնչությամբ քրեական գործեր են հարուցվել, Հովսեփյանն ընդգծեց, որ այս գործի առնչությամբ բացառապես պատասխանատու են Անահիտ Ավանեսյանը և Արսեն Թորոսյանը, ուրիշ ոչ ոք:
Մանրամասները՝ տեսանյութում:
