11.12.2024 | 23:30
Թուրքիան Մեծ Բրիտանիայից շահագործումից հանված Super Hercules ռազմատրանսպորտային ինքնաթիռներ կգնի
Ես և Վանեցյանը եղել ենք պայքարի միջով անցած մարդիկ, ովքեր ուզել են՝ երկրում բան փոխվի. Թ. Թովմասյան. ՏԵՍԱՆՅՈՒԹ
Քաղաքականություն
03.06.2021 | 13:48
«Միացել եմ Արթուր Վանեցյանի թիմին, և դա շատ տրամաբանակն է, որովհետև մենք միասին եղել ենք հեղափոխական թիմում, մենք եղել ենք շատ-շատ արժեքների կրող, պայքարի միջով անցած մարդիկ ենք, ովքեր ուզեցել են երկրում լավ բան փոխել»,- այս մասին խորհրդարանում լրագրողների հետ զրույցում ասաց ԱԺ պատգամավոր Թագուհի Թովմասյանը՝ բացատրելով, թե ինչո՞ւ էր նախկին իշխանություններին քննադատում, իսկ հիմա որոշել է «Պատիվ ունեմ» դաշինքով մասնակցել ընտրություններին։
«Մենք չէինք կարող այլ բան անել, քան միասին շարունակել աշխատանքը, իսկ հանրապետական կուսակցության հետ դաշինք ստեղծելու գաղափարը քննարկվել է ավելի վերևի օղակում՝ Արթուր Վանեցյանի հետ և քաղաքական նպատակահարմարությունից ելնելով որոշում է կայացվել այդ ուժի հետ գնալ՝ հաշվի առնելով նաև ազգային գաղափարախոսության կրելու՝ սկսած կուսակցական գաղափարախոսությունից, արժեհամակարգային մոտեցումները, որոնք կան այդ կուսակցության ներկայացուցիչների մեջ»,- նշեց պատգամավորը՝ հավելելով, որ այն քննադատությունները, որոնք անում էին՝ ուղղված նախկին իշխանությանը, փոքրիկ, մեղմ և ոչինչ չասող քննադատություններ էին այն արհավիրքի դիմաց, որ այսօր երկրի առջև է կանգնել։
Թովմասյանը նկատեց, որ ոչ ոք չէր պատկերացնի, որ ՀՀ առաջին նախագահը կհայտարարի, որ պատրաստ է Ռոբերտ Քոչարյանի և Սերժ Սարգսյանի հետ գնալ դաշինքի, բայց եկավ այդ օրը։
«Ոչ մեծամասնական ընտրակարգ կա՝ ռեյթինգային ընտրակարգ և պետք է որևէ քաղաքական ուժի հետ ճանապարհ անցնել։ Ինձ համար որոշումը ակնհայտ էր, որոշեցի քաղաքական իմ ճանապարհը շարունակել Արթուր Վանեցյանի հետ։ Մենք այսօր խնդիր ունենք մեր բանակի մեջքն ուղղելու»,- նշեց Թովմասյանը՝ կարևորելով երկրի սահմանների անվտանգության խնդիրը:
Մանրամասները՝ տեսանյութում:
