31.07.2026 | 12:25
«Բավարիան» 15 գոլ է խփել ընկերական խաղում. ՏԵՍԱՆՅՈՒԹ
Մոտ ապագայում քաղաքական պաշտոնների նշանակման դեպքում չեմ ակնկալում թափանցիկություն․ Հոկտանյան. ՏԵՍԱՆՅՈՒԹ
Քաղաքականություն
03.06.2021 | 13:33
Ե՛վ նախկինում, և՛ այժմ նշանակումները հիմնականում եղել են ոչ թե պրոֆեսիոնալ չափանիշների հիման վրա, այլ քաղաքական թիմի անդամ լինելու, հավատարմության, լոյալության սկզբունքներով»,- այս մասին «Ո՞ր արժանիքների համար են նշանակվում պաշտոնի և ի՞նչ պատճառով են պաշտոնանկ արվում. հասարակությունն անտեղյակ է» թեմայով առցանց քննարկման ժամանակ նշեց «Թրանսփարենսի Ինթերնեշնլ» հակակոռուպցիոն կենտրոնի ծրագրերի ղեկավար Վարուժան Հոկտանյանը:
Նրա խոսքով՝ պետք է լուրջ բարեփոխումներ արվեն, որպեսզի ունենանք իսկապես մերիտոկրատական նշանակումներ. «Ինչ վերաբերում է ազատմանը, երևի դրանից էլ բխում է նաև ազատվելու հետ կապված ոչ թափանցիկ մոտեցումը, որովհետև եթե իրենց մարդկանց նշանակում են, և նրանք բացահայտ դեմ դուրս չեն գալիս համակարգին` դժվար թե բացատրություն տրվի հասարակությանը, թե ինչու այսինչին հանեցին, իսկ այնինչին` ոչ: Որպես կանոն դա նույնպես մնում է անհասկանալի և անհայտ, տեղիք տալիս բազմաթիվ ասեկոսեների, ենթադրությունների, և այս պրակտիկան այսպես էլ շարունակվում է:
«Մոտ ապագայում քաղաքական պաշտոնների նշանակման դեպքում չեմ ակնկալում թափանցիկություն,- ընդգծեց Հոկտանյանը՝ հավելելով, որ ԶԼՄ-ները պետք է համառ գտնվեն և այդ հարցերի առումով թափանցիկության մշակույթ բերեն, ու մերիտոկրատական` արժանիքների վրա հիմնված համակարգ ներդրվի:
Մանրամասները՝ տեսանյութում:
