11.08.2026 | 18:18
Արաիկ Եսայանն ազատվել է աշխատանքի և սոցիալական հարցերի նախարարի տեղակալի պաշտոնից
Մայիսին 5 ադրբեջանցի է պայթել ականի վրա․ մեկ զինծառայող զոհվել է, երկու քաղաքացիական անձ ու երկու զինծառայող՝ վիրավորում ստացել
Քաղաքականություն
01.06.2021 | 19:16
«Ականների դեմ ադրբեջանական արշավ» հասարակական միավորումը շարունակում է ականների ու չպայթած զինամթերքի հետևանքով տուժած ու զոհված քաղաքացիների տվյալների միասնական բազա ստեղծելու աշխատանքները։
Ադրբեջանական Report-ին կազմակերպությունից փոխանցել են, որ պետական կառույցներից, տարածքային համակարգողներից ու այլ աղբյուրներից ստացված տվյալների համաձայն՝ 2021 թվականի մայիսին Արցախի գրավյալ տարածքներում ականի վրա պայթելու 2 դեպք է տեղի ունեցել, որի հետևանքով 5 ադրբեջանցի է տուժել։ Արդյունքում մեկ զինծառայող է մահացել, 2 քաղաքացիական անձ ու 2 զինծառայող էլ վիրավորում է ստացել։ Մայիսի դեպքերը տեղի են ունեցել Գեդաբեկի ու Արցախի օկուպացված Քարվաճառի շրջանում։
Ընդհանուր առմամբ, 2021 թվականին Ադրբեջանի 59 քաղաքացի է տուժել ականի վրա պայթելու հետևանքով։
Նշենք, որ ավելի վաղ էլ Ադրբեջանի ԱԳՆ-ն հայտնել էր, որ Արցախի գրավյալ տարածքներում պատերազմից հետո ականի վրա պայթելու հետևանքով 20 ադրբեջանցի է զոհվել, 85-ը տարբեր աստիճանի վնասվածքներ է ստացել։
«Նոյեմբերի 10-ից հետո Ադրբեջանի 14 քաղաքացիական անձ ու 6 զինծառայող է զոհվել ականի վրա պայթելու հետևանքով»,- ասվում էր ԱԳՆ հաղորդագրությունում։ Միաժամանակ, հաղորդվել է, որ տարբեր աստիճանի վնասվածներ են ստացել 16 քաղաքացիական անձ, 69 զինծառայող և Ականազերծման ազգային գործակալության աշխատակից։
Էմմա Չոբանյան
