Քաղաքականություն
28.05.2021 | 16:18
ՌԴ պաշտպանության նախարար, բանակի գեներալ Սերգեյ Շոյգուն ու ՀՀ պաշտպանության նախարարի պաշտոնակատար Վաղարշակ Հարությունյանն այսօր աշխատանքային հանդիպում են ունեցել Մոսկվայում։ Այս մասին հայտնում ՌԻԱ Նովոստին։
Տեղեկացվում է, որ Շոյգուն առաջարկել է տարածաշրջանային անվտանգության հարցեր քննարկել:
«Մենք կքննարկենք տարածաշրջանային անվտանգության հարցերը՝ կապված Լեռնային Ղարաբաղում խաղաղապահ ուժերի աշխատանքի հետ, ինչպես նաև բոլոր սուր խնդիրները, որոնք ծագել են այս պահին», – ասել է Շոյգուն:
«Մենք այսօր կքննարկենք համագործակցության վերաբերյալ մեր բոլոր հարցերը, որոնք, մեր գնահատմամբ, շատ լավ են զարգանում»,- հավելել է Հարությունյանը։
Շոյգուն նշել է, որ Ռուսաստանն ու Հայաստանը ամրացնում են իրենց ռազմական փոխգործակցությունը ինչպես երկկողմ ձևաչափով, այնպես էլ միջազգային կառույցների շրջանակներում, ինչպիսին է ԵԱՀԿ-ն։
Շոյգուն նաև շնորհավորել է Հարությունյանին և ողջ հայ ժողովրդին պետական տոնի՝ Հանրապետության օրվա կապակցությամբ:
Տաթև Ֆռանգյան
