26.04.2026 | 21:21
Իրավիճակը Մալիում․ մահացել է պաշտպանության նախարարը, երկրում թեժ մարտեր են
Հողը շարժվում է ոտքերիդ տակ․ Ավստրալիայում մկների իսկական արշավանք է․ ֆերմերները սնանկության եզրին են
Քաղաքականություն
26.05.2021 | 21:43
Ավստրալիան վերջին տարիներին վերապրել է անտառային հրդեհներ, երաշտներ և ջրհեղեղներ: Ֆերմերներն այս տարի առատ բերքի հույս ունեին, սակայն Նոր Հարավային Ուելս նահանգում նրանցից շատերը կարող են զրկվել ամեն ինչից: Տարածաշրջանում մկների իրական արշավանք է, գրում է BBC-ի ռուսական ծառայությունը:
Մկները բազմացել են բնական աղետների պատճառով գիշատիչների թվի նվազման ֆոնին։ Բանն այն է, որ մեկ մուկը մեկ սեզոնի ընթացքում կարող է 500 ձագ ունենալ։ Էկոհամակարգը կգա հավասարակշռության, սակայն դրա համար ժամանակ է պետք, նշում են բնապահպանները։
Մկներից ազատվել գործնականում հնարավոր չէ, սակայն գործարարները դրա համար մեծ թվով գումարներ են ծախսում։
«Նրանցից հնարավոր չէ ազատվել։ Անվերջանալի, անդադար հոսք․․․ Մկների պատճառով հողը շարժվում է ոտքերի տակ։ Մկներ, մկներ, մկներ․․․ Բարի գալուստ Ավստրալիա»,- պատմել է ֆերմերներից մեկը։
BBC-ն իր ռեպորտաժում տեղեկացնում է, որ մկները կրծում են ամեն ինչ, անգամ գյուղատնտեսական տեխնիկան ու սարքավորումները։
«Մեր տանը, բակում՝ ամենուր թակարդներ են, սակայն քիչ թվով մկներ են ընկնում թակարդը։ Մյուսները վազվզում են այնպես, կարծես թե ոչինչ էլ չի եղել»,- պատմել է մեկ այլ ֆերմեր։
Մանրամասները՝ տեսանյութում։
