18.01.2026 | 21:30
Վահագն Խաչատուրյանն այցելել է Ժնևի Սուրբ Հակոբ եկեղեցի
Փոքր կրպակից մեծ ընկերություն ունեցողը գործարար է. Մակունցը` Խաչատուր Սուքիասյանի մասին. ՏԵՍԱՆՅՈՒԹ
Քաղաքականություն
26.05.2021 | 12:34
Հայաստանի Հանրապետությունում փոքր կրպակից մինչև մեծ ընկերություն ունեցողները համարվում են գործարար: Այն բոլոր դեպքերում, երբ այդ մարդիկ, անկախ ընկերության կամ բիզնես գոծունեության չափերից, հայտ են ներկայացնում քաղաքականությամբ զբաղվելու, ՀՀ օրենսդրությունը նախատեսում է կարգավորման եղանակներ, այն է՝ ոչ թե արգելում է այդ մարդկանց զբաղվել քաղաքականությամբ, այլ արգելում է դրանց համատեղումը: Այս մասին ԱԺ-ում լրագրողների հետ զրույցում ասաց ԱԺ «Իմ քայլը» խմբակցության ղեկավար Լիլիթ Մակունցը՝ պատասխանելով ՔՊ-ի նախընտրական ցուցակում գործարարների, մասնավորապես Խաչատուր Սուքիասյանին ներառելու վերաբերյալ հարցին։
«Եթե կլինի այնպիսի իրավիճակ, որ այդ համատեղման արգելքի սկզբունքը կխախտվի, ապա ոչ միայն ԱԺ էթիկայի հանձնաժողով գոյություն ունի նման դեպքերի համար, այլև կոռուպցիայի կանխարգելման հանձնաժողովը կձեռնարկի անհրաժեշտ գործողությունները, ընդհուպ՝ մանդատից զրկելը»,- նշեց Մակունցը՝ ընդգծելով, որ պետք է հետևել օրենքի տառին։
«Այն, որ բիզնեսը քաղաքականությունից տարանջատված պետք է լինի, դա ոչ միայն քաղաքական խոսք է, այլ նաև ՀՀ օրենքներով սահմանված սկզբունք է: Մենք պնդում ենք, որ այն անձինք, ովքեր քաղաքականության հայտ են ներկայացնում, չեն կարող դրանք համատեղել»,- նշեց «Իմ քայլի» ղեկավարը:
Մանրամասները՝ տեսանյութում:
