18.11.2024 | 23:35
ԵՄ-ն ծրագրում է «քաղաքական առաքելություն» ուղարկել Վրաստան. Բորել
Չեմ բացառում` ՀԱՊԿ-ին կդիմենք 4-րդ հոդվածով. Ռուբեն Ռուբինյան. ՏԵՍԱՆՅՈՒԹ
Քաղաքականություն
26.05.2021 | 12:14
«Հայաստանը փորձում է և փորձելու է խնդիրը լուծել առաջին հերթին քաղաքական-դիվանագիտական ճանապարհով, ինչը չի նշանակում, որ դա տեղի չունենալու դեպքում չեն կարող լինել այլ՝ ռազմական լուծումներ: Ակնկալում ենք, որ մեր դաշնակիցները, որոնք մեզ հետ կապված փոխպարտավորություններ ունեն, այդ թվում՝ նաև ռազմական, կաջակցեն մեզ այս գործընթացում»,- այս մասին լրագրողների հետ զրույցում անդրադառնալով ՀՀ-ում ստեղծված իրավիճակին՝ նշեց «Իմ քայլը» խմբակցության պատգամավոր Ռուբեն Ռուբինյանը:
Մեկնաբանելով տեսակետները, թե «ինչո՞ւ դաշնակիցները պետք է օգնեն, եթե հայկական կողմը չի կրակում»՝ Ռուբինյանն ասաց. «ՀԱՊԿ պայմանագիրը չի նախատեսում, որ պետք է անպայման կրակոց լինի, որ տեղի ունենա այն, ինչ պետք է տեղի ունենա՝ ըստ պայմանագրի:
Նախ՝ հենց մեր դաշնակիցներն են կոչ արել չսրել իրավիճակը, փորձել խնդիրը լուծել դիվանագիտական ու քաղաքական ճանապարհներով, և երկրորդ՝ մեր դաշնակցային ֆորմատներն ունեն հստակ հոդվածներ՝ հստակ դեպքերի վերաբերյալ:
Եվ մենք ոչ թե ոչ մի բան չանելով՝ խնդրում ենք օգնել, այլ դիմել ենք հստակ փաստաթղթերի հիման վրա՝ հստակ հոդվածով, ընդ որում՝ խոսքը վերաբերում է և՛ ՀԱՊԿ պայմանագրի 2-րդ հոդվածով դիմելուն, և՛ Հայ-ռուսական երկկողմ պայմանագրի հիման վրա վարչապետի նամակին, և ակնկալում ենք, որ կլինի պայմանագրերով նախատեսված աջակցությունը:»:
Հաշվի առնելով վերջին իրադարձությունները՝ պատգամավորը նաև չբացառեց, որ «կհասնենք նաև ՀԱՊԿ պայմանագրի 4-րդ հոդվածին»:
Մանրամասները՝ տեսանյութում:
