17.09.2026 | 13:01
Հիփոթեք ունեմ 11,5%-ից դառել ա 13%, էդ ո՞նց ա ստացվում․ «Ուժեղ Հայաստանի» պատգամավոր․ ՏԵՍԱՆՅՈՒԹ
Ազգային ժողովը կրկին փորձեց․ Կառավարության ներկայացրած նախագիծը նախ մերժվեց, ապա ընդունվեց 71 ձայնով. ՏԵՍԱՆՅՈՒԹ
Քաղաքականություն
26.05.2021 | 12:07
Ազգային ժողովն այսօր նիստի մեկնարկին քվեարկությամբ չկարողացավ ընդունել Կառավարության նախաձեռնած՝ Հայաստանի Հանրապետության հարկային օրենսգրքում լրացումներ կատարելու մասին օրենքի նախագիծը։
Նիստին ներկա 72 պատգամավորներից նախագծին «կողմ» քվեարկեց 60-ը, ևս 6-ը՝ «ձեռնպահ»։
«Որոշումը չի ընդունվել»,- հայտարարեց Միրզոյանը, ինչից հետո խորհրդարանի նիստերի դահլիճում իրարանցում սկսվեց։
«Ինչ-որ բան այն չէ՞»,- հարցրեց ԱԺ նախագահը, ինչից հետո «Իմ քայլը» խմբակցությունը 20 րոպե ընդմիջում խնդրեց։
Ընդմիջումից հետո սկսելով նիստը՝ խորհրդարանի նախագահ Արարատ Միրզոյանը հայտարարեց, որ ապօրինաբար ՀՀ սահմաններից ներս գտնվող ադբեջանցիների կրակոցից նախորդ օրը զոհվել է հայ զինծառայող Գևորգ Խուրշուդյանը և առաջարկեց մեկ րոպե լռությամբ հարգել նրա հիշատակը:
Այնուհետև արդեն քվեարկված «Հարկային օրենսգիրքը» նորից դրվեց քվեարկության՝ այս անգամ ստանալով 71 «կողմ», 5 «ձեռնպահ» ձայներ։
