20.05.2026 | 22:38
Հեռու չենք նրանից, որ մի քանի տարի անց գլխավոր գործունեությունը դառնա նամազը. Կարապետյան. ՏԵՍԱՆՅՈՒԹ
Ադրբեջանը 2020թ․ պաշտպանության ու անվտանգության ոլորտների համար հատկացրել է պետբյուջեի 16․8 տոկոսը
Քաղաքականություն
25.05.2021 | 22:19
Ադրբեջանում 2020 թվականին պաշտպանության ու ազգային անվտանգության ծախսերի համար հատկացվել է պետական բյուջեի 16․8 տոկոսը կամ 4․425 մլրդ մանաթ։ Այս մասին ասվում է «Ադրբեջանի 2020թ․ պետական բյուջեի կատարման մասին» օրինագծում, հաղորդում են տեղական լրատվամիջոցները։
Նշվում է, որ սա 31․6 տոկոսով կամ 1․64 մլրդ մանաթով ավելին է 2019 թվականի ծախսերից։
Օրինագծի համաձայն՝ պաշտպանության ծախսերը կազմել են 1․627 մլրդ մանաթ, ազգային անվտանգության ծախսերը՝ 240 մլն մանաթ, պետական սահմանի պաշտպանության համար՝ 280 մլն մանաթ, պաշտպանության ու ազգային անվտանգության ոլորտում ուսումնասիրությունների համար՝ 3․7 մլն մանաթ, պաշտպանության ու անվտանգության ոլորտում այլ գործունեության համար՝ 1․6 մլրդ մանաթ։
Բացի այդ՝ 2020 թվականի պետական բյուջեից պաշտպանական հատուկ նախագծերի իրականացման համար հատկացվել է 139 մլն մանաթ։
Էմմա Չոբանյան
