25.08.2026 | 10:35
Ռոբերտ Քոչարյանն ու նրա ավագ որդին՝ Սեդրակ Քոչարյանը, ձերբակալվել են
Արևմուտքը չեղարկում է Իրանի դեմ կիրառված հիմնական պատժամիջոցները
Քաղաքականություն
21.05.2021 | 13:14
Արևմուտքի ներկայացուցիչները Վիեննայում բանակցությունների ժամանակ համաձայնել են չեղարկել Իրանի դեմ հիմնական պատժամիջոցները։ Այս մասին հայտարարել է Իրանի նախագահ Հասան Ռուհանին՝ մեկնաբանելով Վիեննայում Իրանի միջուկային ծրագրի շուրջ բանակցությունների ընթացքը, գրում է Tasnim News Agency-ն։
«Պայմանագրի հիմնական կետերի շուրջ պայմանավորվածություն է ձեռք բերվել։ Արևմուտքի ներկայացուցիչները համաձայնել են չեղարկել գլխավոր պատժամիջոցները՝ նավթի, նավթաքիմիայի արտադրանքի, բեռնափոխադրման և ապահովագրման, ինչպես նաև Իրանի Կենտրոնական բանկին առնչվող պատժամիջոցները։ Այժմ բանակցություններ են ընթանում որոշ աննշան հարցերի շուրջ»,- հայտարարել է Իրանի նախագահը։
«Մենք կատարել ենք գլխավոր քայլը: Հիմնական համաձայնությունը ձեռք է բերվել», – ընդգծել է նա:
Նախօրեին Ռուհանին հայտարարել էր, որ Վիեննայում բանակցություններն ավարտվել են Իրանի հաղթանակով։
Հիշեցնենք՝ մայիսի 19-ին Վիեննայում տեղի էր ունեցել Իրանի և միջազգային «հնգյակի» (Ռուսաստան, Մեծ Բրիտանիա, Գերմանիա, Չինաստան և Ֆրանսիա) միասնական հանձնաժողովի նիստը` Իրանի միջուկային ծրագրի վերաբերյալ համատեղ համապարփակ ծրագրի իրագործման ամբողջական վերականգնման վերաբերյալ: Իրանի փոխարտգործնախարար Աբբաս Արաղչին վերջին երկու շաբաթվա ընթացքում գրանցված բանակցությունները դրական էր գնահատել։
