26.04.2026 | 21:21
Իրավիճակը Մալիում․ մահացել է պաշտպանության նախարարը, երկրում թեժ մարտեր են
Լուկաշենկոն թույլատրել է ուժայիններին ռազմական տեխնիկա կիրառել ցուցարարների դեմ
Քաղաքականություն
17.05.2021 | 22:56
Ալեքսանդր Լուկաշենկոն մայիսի 17-ին ստորագրել է փաստաթուղթ՝ «Բելառուսի Հանրապետության ազգային անվտանգությունն ապահովող օրենքներում փոփոխություններ կատարելու մասին», գրում է DW-ի ռուսական ծառայությունը:
Նոր օրենքը ներքին գործերի մարմիններին իրավունք է տալիս զենք, ֆիզիկական ուժ, ռազմական և հատուկ տեխնիկա կիրառել՝ «զանգվածային անկարգությունները ճնշելու համար»: Միևնույն ժամանակ, իրավապահ մարմինների աշխատակիցները, ըստ էության, պատասխանատու չեն այս տեխնիկայի և հատուկ սարքավորումների օգտագործման արդյունքում պատճառված վնասի համար:
Սրա հետ մեկտեղ, այս օրենքն անվտանգության ուժերին իրավունք է տալիս ձերբակալման ժամանակ քաղաքացիների անձնական խուզարկություն իրականացնել, խուզարկել նրանց իրերն ու տրանսպորտային միջոցները: ՆԳՆ աշխատակիցները նաև կկարողանան տեղեկություն ստանալ տեղեկատվական համակարգերից՝ ներառյալ անձնական տվյալները, անվճար և առանց անհատների գրավոր համաձայնության: Անվտանգության ուժերը նաև իրավասու են արգելել քաղաքացիներին կատարել աուդիո և վիդեո ձայնագրություններ, նկարահանել և լուսանկարել իրենց շուրջը տիրող իրավիճակը:
Առաջարկվել է երկրի Ներքին գործերի մարմինները դասակարգել որպես ռազմականացված կազմակերպություններ:
Տաթև Ֆռանգյան
