31.10.2026 | 13:24
Ըմբշամարտի ԱԱ. Հայաստանի վերջին ներկայացուցիչները պարտվեցին
Եթե բանակցությունները արդյունք չտան, այլ միջոցներ կկիրառվեն, նաև ուժի կիրառում․ Արմեն Խաչատրյան. ՏԵՍԱՆՅՈՒԹ
Քաղաքականություն
14.05.2021 | 16:12
Ներկայումս բանակցային գործընթացը շարունակվում է, հուսով ենք, որ այն կավարտվի հայկական կողմի պահանջի անխտիր կատարմամբ։ Այս մասին այսօր Գորիսում լրագրողների հետ ճեպազրույցում նշեց «Իմ քայլը» խմբակցության պատգամավոր Արմեն Խաչատրյանը՝ անդրադառնալով Սև լճի շուրջ ստեղծված իրավիճակին և ընթացող բանակցություններին։
«Հայկական կողմից այս պահին բանակցում են ՀՀ ԳՇ պետի տեղակալը, կորպուսի հրամանատարներ և ներկայացուցիչներ ռուսական կողմից և ադրբեջանական կողմից»,-նշեց Խաչատրյանը:
Պատգամավորը բացառեց հնարավոր դիրքային փոխզիջումային տարբերակը՝ նշելով, որ բանակցությունները միայն Սև լճի վերաբերյալ չեն ընթանում, այլ այն վայրերի, որտեղ ադրբեջանական զինուժի ներկայացուցիչները մուտք են գործել ՀՀ տարածք։
Անդրադառնալով հնարավոր չեզոք գոտիներ սաhմանելու հավանականությանը՝ Խաչատրյանը կարծիք հայտնեց, որ չեզոք գոտին շատ արդյունավետ միջոց է հակամարտող կողմերի միջև հրադադար պահպանելու համար, բայց չեզոք գոտին չպետք է լինի միայն ՀՀ հողերի հաշվին.«Դդա միանշանակ ընդունելի չէ։ Եթե ստեղծվի չեզոք գոտի, դա պետք է իրականացվի նաև Ադրբեջանի տարածքի հաշվին»։
Սահմանները պատշաճ կահավորելու վերաբերյալ հարցին ի պատասխան՝ Խաչատրյանը նշեց. «Իհարկե չենք կարգավորել, դուք պատկերացնո՞ւմ եք այս ծավալի սահմանի ձմեռային պայմաններում կահավորելը, դուք հասկանո՞ւմ եք դա ինչ է։
Եթե բանակցային գործընթացն արդյունք չտվեց, մեր պատկան մարմինները այլ միջոցառումներ ստիպված կլինեն իրականացնել, նաև ՀԱՊԿ-ի շրջանակում հարկադիր ուժի կիրառմամբ ադրբեջանական զորախումբը պետք է վռնդվի ՀՀ տարածքից»։
Մանրամասները՝ տեսանյութում:
