17.09.2026 | 11:00
Կառավարության նիստը՝ ՈՒՂԻՂ
ԱԽ նոր նիստ՝ Սյունիքի հարցով․ Այվազյանի հրատապ զանգը՝ գործադիրի նիստի ժամանակ․ Լուրեր
Քաղաքականություն
13.05.2021 | 15:02
Կառավարության այսօրվա նիստի ժամանակ վարչապետի պաշտոնակատար Նիկոլ Փաշինյանն ասել է, որ Սյունիքում՝ սահմանի Սև լճի ուղղությամբ, իրավիճակը մնում է նույնը, էական փոփոխություն չկա։ Փաշինյանը իրավիճակը ճգնաժամ է անվանել և նշել, որ հետագա զարգացման մի քանի սցենարներ կարող է ունենալ։ Ըստ Փաշինյանի՝ Ադրբեջանի զինված ուժերը պետք է հետ քաշվեն այն դիրքեր, որտեղ գտնվել են մայիսի 10-ի դրությամբ։
—
Կառավարության նիստը դեռ չավարտված՝ սրահից դուրս է եկել ԱԳ նախարարի պաշտոնակատար Արա Այվազյանը։ ԱԳ նախարարի խոսնակը պարզաբանել է, որ Արա Այվազյանը հեռախոսազանգ ունի կատարելու, բայց չի մանրամասնել, թե ում հետ է խոսելու։
—
Կեսօրին ԶՈՒ ԳՇ պետ Արտակ Դավթյանը ժամանել է կառավարության շենք, որտեղ նախատեսված է Անվտանգության խորհրդի նիստ, որի մասին կառավարության նիստի ժամանակ հայտարարել էր Նիկոլ Փաշինյանը։ Դավթյանը հարցերի չի պատասխանել։
—
Գլխավոր դատախազի խորհրդական Գոռ Աբրահամյանը հայտնել է, որ զինվորական դատախազության կողմից ՊՆ ռազմական ոստիկանությանը հանձնարարվել է քրեական վարույթի շրջանակներում համակողմանի պարզել Սյունիքի մարզում սահմանին տեղի ունեցած իրադարձությունները և տալ իրավական գնահատականներ։
—
