18.01.2026 | 21:30
Վահագն Խաչատուրյանն այցելել է Ժնևի Սուրբ Հակոբ եկեղեցի
Մասնակցել եմ ԱԽ նիստին. Անահիտ Ավանեսյան. ՏԵՍԱՆՅՈՒԹ
Քաղաքականություն
13.05.2021 | 14:23
«Մենք հաղորդագրություն էինք ստացել, որ Սիսիանի մի քանի բնակիչ թունավորման սիմպտոմներով դիմել է հոսպիտալացման։ Մեր արագ արձագանքման խումբը մեկնել է այնտեղ, վերցրել է նմուշներ ջրի բոլոր կետերից և հիմա իրականացնում է փորձաքննություն, որը շուտով կավարտվի»,- այսօր ԱԽ նիստից հետո լրագրողների հետ զրույցում ասաց առողջապահության նախարարի պաշտոնակատար Անահիտ Ավանեսյանն՝ անդրադառնալով Սիսիանում մոտ 300 մարդու թունավորմանը։
Նրա խոսքով՝ թունավորման բոլոր դեպքերը արձանագրվում են, ապա տրամադրվում է ամբողջական տեղեկատվություն։
Անդրադառնալով հարցին՝ կասկած կա՞, որ թունավորման դեպքերը կարող են կապված լինել Սև լճի ջրի հետ, առողջապահության նախարարի պաշտոնակատարը պատասխանեց. «Այս պահին որևէ հուշում չկա նման բանի մասին»։
«Մենք նշել ենք, որ կոյուղու անսարքության և անձրևաջրերի խնդիր է եղել, որն արդեն կարգավորված է։ Մոտակա ժամերին արդեն պարզ կլինի փորձաքննության պատասխանը»,- նշեց նա։
Անահիտ Ավանեսյանը նշեց, որ մասնակցել է ԱԽ նիստին, բայց չպատասխանեց հարցին, թե ինչու է մասնակցել: «Որևէ բան չեմ կարող ասել»,- նշեց առողջապահության նախարարի պաշտոնակատարը և հեռացավ։
Մանրամասները՝ տեսանյութում:
