07.11.2024 | 23:23
Թուրքիան Թրամփի նախագահության օրոք ԱՄՆ-ի կողմից մասքատուրքերի իջեցում է ակնկալում
Լավրովն ու Բլինքենը պայմանավորվել են առանձին հանդիպում անցկացնել Ռեյկյավիկում
Քաղաքականություն
12.05.2021 | 21:42
Մայիսի 12-ին հեռախոսազրույց է տեղի ունեցել Ռուսաստանի Դաշնության արտաքին գործերի նախարար Սերգեյ Լավրովի և ԱՄՆ պետքարտուղար Էնթոնի Բլինքենի միջև, հաղորդում է ՌԴ ԱԳՆ-ն:
Արտաքին գործերի նախարարները մտքեր են փոխանակել Կորեական թերակղզու միջուկային խնդրի լուծման շուրջ մոտեցումների, իրանական միջուկային ծրագրի վերաբերյալ գործողությունների համատեղ համապարփակ ծրագրի թարմացման, ռազմավարական կայունության ոլորտում առաջադրանքների քննարկման վերաբերյալ:
Նրանք անդրադարձել են նաև Արկտիկայի խորհրդում երկու երկրների փոխգործակցությանը՝ այս կառույցում նախագահությունը Ռուսաստանի Դաշնությանը փոխանցելու լույսի ներքո, որը տեղի կունենա Ռեյկյավիկում Արկտիկայի խորհրդի նախարարների նստաշրջանում մայիսի 20-ին:
Սերգեյ Լավրովն ու Էնթոնի Բլինքենը պայմանավորվել են առանձին հանդիպում անցկացնել այս նստաշրջանի շրջանակում՝ երկկողմ հարաբերությունների կարևորագույն հարցերը և միջազգային օրակարգը քննարկելու համար:
Քննարկվել է նաև առաջիկա ժամանակահատվածի ռուս-ամերիկյան այլ շփումների ժամանակացույցը՝ ներառյալ ռուս-ամերիկյան գագաթնաժողով կազմակերպելու՝ Վաշինգտոնի առաջարկը:
