15.12.2025 | 22:00
Գարեգին Բ-ի՝ գործակալ լինելու մասին պնդման հետքերով. ինչ է ասում դատախազությունը. ՏԵՍԱՆՅՈՒԹ
Նեթանյահուն հայտարարել է Գազայի հատվածի ուղղությամբ հարվածների հաճախականությունն ավելացնելու մտադրության մասին
Քաղաքականություն
11.05.2021 | 19:27
Իսրայելի վարչապետ Բենիամին Նեթանյահուն հայտարարել է Գազայի հատվածի ուղղությամբ հարվածների ուժգնությունը մեծացնելու և հաճախականությունն ավելացնելու մտադրության մասին։ ՏԱՍՍ-ի փոխանցմամբ՝ այս մասին ասված է Նեթանյահուի Twitter-ի պաշտոնական միկրոբլոգում հրապարակված հաղորդագրությունում։
«Իրադրության գնահատման արդյունքներով որոշում է կայացվել, որ հարվածների ուժն ու հաճախականությունը (Գազայի հատվածի ուղղությամբ) կմեծացվեն»,- ասվում է հաղորդագրությունում։
Նշվում է նաև, որ երկուշաբթիից իսրայելական բանակը հարյուրավոր հարվածներ է հասցրել պաղեստինյան ՀԱՄԱՍ և «Իսլամական ջիհադ» խմբավորումների դիրքերի և օբյեկտների ուղղությամբ, որոնց արդյունքում բազմաթիվ «նշանակալի թիրախներ» են խոցվել։
Նեթանյահուն, միաժամանակ, հաղորդել է, որ հրամանատարությունը կարգադրել է ուժեղացնել անձնակազմերը։
«Մենք դրանք կամրապնդենք այնքան, որքան անհրաժեշտ կլինի՝ երկրում կարգն ապահովելու համար»,- գրել է նա։
