17.09.2026 | 12:22
100 միլիոնավոր դոլարների փոխանցած կանխավճարներ ունեինք, մեզ մեր գնած զենքը չէին տալիս․ Փաշինյան․ ՏԵՍԱՆՅՈՒԹ
Բուլղարիայի նախագահը ցրել է խորհրդարանն ու նոր ընտրություններ նշանակել
Քաղաքականություն
11.05.2021 | 16:40
Բուլղարիայի նախագահ Ռումեն Ռադևը երկրի Ազգային ժողովը ցրելու և հուլիսի 11-ին խորհրդարանական ընտրություններ անցկացնելու մասին հրամանագիր է ստորագրել։ ՏԱՍՍ-ի փոխանցմամբ՝ այս մասին հաղորդել է պետության ղեկավարի մամուլի ծառայությունը։
Ռադևը նաև մայիսի 12-ից տեխնիկական կառավարության նշանակման մասին հրամանագիր է ստորագրել, որը պետք է ղեկավարի երկիրը՝ մինչև 46-րդ Ազգային ժողովի ընտրությունները։ Վարչապետ է նշանակվել նախագահի՝ անվտանգության և պաշտպանության հարցերով նախկին քարտուղար Ստեֆան Յանևը։
Տեխնիկական կառավարության ներկայացման պաշտոնական արարողությունը նախանշված է մայիսի 12-ին, որի ժամանակ էլ Ռումեն Ռադևը կներկայացնի դրա աշխատանքի առաջնահերթությունները։
Բուլղարիայի 45-րդ Ազգային ժողովն ընտրվել էր ապրիլի 4-ին, սակայն այդպես էլ չկարողացավ համաձայնության հասնել նոր կառավարության կազմավորման հարցում, ինչի հետևանքով խորհրդարանը ցրելու որոշում է կայացվել։
